პოლიტიკა
ქუთაისის მერიისა და ყოფილი თანამშრომლის დავაზე სააპელაციო სასამართლომ საქალაქო სასამართლოს გადაწყვეტილება ძალაში დატოვა
ქუთაისის მერიასა და ყოფილ თანამშრომელს შორის დავა სააპელაციო სასამართლოში დასრულდა. მერიის სპორტის ააიპისა და ირაკლი კიკვაძის სასამართლო პროცესი დღეს გაიმართა. სააპელაციო სასამართლოს მოსამართლემ საქალაქო სასამართლოს გადაწყვეტილება უცვლელი დატოვა.

მერიის ააიპ სპორტულ დაწესებულებათა გაერთიანების ყოფილი თანამშრომელი, ირაკლი კიკვაძე ყოფილ უფროსს სამსახურიდან უკანონოდ, პოლიტიკური ნიშნით გათავისუფლებაში ადანაშაულებდა."ლეიბორისტული პარტიის" ქუთაისის ორგანიზაციის წევრი სამსახურში აღდგენასა და განაცდურის ანაზღაურებას ითხოვდა.

"პროცესი დასრულდა ისე, როგორც უნდა დასრულებულიყო. ქუთაისის მერმა გიორგი ჭიღვარიამ როგორც პოლიტიკური, ისე სამართლებრივი ბრძოლა ჩემთან უკვე მეორედ წააგო. მიუხედავად იმისა, რომ სამართლებრივად ეს პროცესები წარმოებდა ჩემსა და ააიპის შორის, რეალურად ეს იყო დავა ჭიღვარიასა და ჩემ შორის, რომელმაც მხოლოდ და მხოლოდ პოლიტიკური ნიშნით გამათავისუფლა სამსახურიდან, თავისი პაიკის, ააიპ-ის მმართველის ხელით და რომლის ინიციატივითაც მოხდა სააპელაციო სასამართლოში საქალაქო სასამართლოს გადაწყვეტილების გასაჩივრება. სასამართლოს ამ გადაწვეტილებას ჩემთვის ჰქონდა პრინციპული მნიშვნელობა და ჩემი მიზანიც ამ შემთხვევაში იყო ის, რომ სასამართლოს დაედასტურებინა, რომ უკანონოდ, კანონის უხეში დარღვევით, ვიქენი გათავისუფლებული,"-განაცხადა ირაკლი კიკვაძემ.

დავა ქუთაისის საქალაქო სასამართლოში მიმდინარეობდა. სასამართლომ ირაკლი კიკვაძის სარჩელი ნაწილობრივ დააკმაყოფილა. მოსამართლის გადაწყვეტილებით, კიკვაძის სამსახურიდან გათავისუფლება შრომის კოდექსის დარღვევად ჩაითვალა და ააიპ-მა მას 4 თვის განაცდური უნდა აუნაზღაუროს. სწორედ აღნიშნული გადაწყვეტილება დატოვა ძალაში სააპელაციო სასამართლომ.

ირაკლი კიკვაძის ინტერესებს "საერთაშორისო გამჭვირვალობა-საქართველოს" იურისტი, ნატა გოგიაშვილი იცავდა.
FaceBook Twitter Google
ამავე კატეგორიაში
ქუთაისის მერის განცხადებით შესაბამისი გადაწყვეტილება საქართველოს
მთავრობამ უკვე მიიღო.
11:27 / 17.09.2019
ქუთაისის მერის განცხადებით შესაბამისი გადაწყვეტილება საქართველოს მთავრობამ უკვე მიიღო.
ქუთაისის მერმა საფეხბურთო კლუბ
16:14 / 12.09.2019
ქუთაისის მერმა საფეხბურთო კლუბ "ტორპედოს" ფანკლუბის წევრი, ლევან
ქუთაისის მერმა საფეხბურთო კლუბ
16:14 / 12.09.2019
ქუთაისის მერმა საფეხბურთო კლუბ "ტორპედოს" ფანკლუბის წევრი, ლევან
ვალუტა
EUR
EUR
3.0701
TRY
TRY
0.5084
USD
USD
2.6940
«« სექტემბერი  »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 123456
ამინდი
თბილისი 13 - 27 °C
img
ქუთაისი 15 - 22 °C
img
ბათუმი 18 - 22 °C
img
პოპულარული - ბოლო 30 დღის
აწსუ-ს სტუდენტი თამთა კაპანაძე Google-მ სტუდენტურ ლიდერებს შორის შეარჩია
სტუდენტი თამთა კაპანაძე Google-ს კონკურსის გამარჯვებულია.
11:29 / 11.09.2019
აეროპორტი და ქუთაისი
ქუთაისის საერთოაშორისო აეროპორტით ევროპა უფრო ხელშესახები გახდა.
14:35 / 06.09.2019
ვაკანსია

რადიოკომპანია „ძველი ქალაქი“ აცხადებს ვაკანსიას გაყიდვების მენეჯერის თანამდებობაზე

00:00 / 29.08.2019
ბაღდათში, ხანისწყალზე ხიდის რეაბილიტაცია იგეგმება
მომავალ წელს ბაღდათის მუნიციპალიტეტს განახლებული ხიდი ექნება.
14:15 / 26.08.2019