პოლიტიკა
არასამთავრობო ორგანიზაციები გენდერულ კვოტირებასთან დაკავშირებით განცხადებას გააკეთებენ

19 მარტს, 14:00 საათზე, აღმოსავლეთ ევროპის მრავალპარტიული დემოკრატიის ცენტრის ქუთაისის ოფისში იმერეთის რეგიონში მომუშავე სამოქალაქო საზოგადოების ორგანიზაციების წარმომადგენლები ქალთა პოლიტიკური მონაწილეობის გაზრდის მიზნით პარლამენტში წარდგენილ კანონპროექტთან დაკავშირებით განცხადებას გააკეთებენ.

ორგანიზაციები მოუწოდებს პარლამენტს და ადგილობრივ მაჟორიტარ დეპუტატებს დროულად განიხილოს საკანონმდებლო ინიციატივა პლენარულ სხდომაზე. მათ მიაჩნიათ, რომ უმნიშვნელოვანესია ხელისუფლებამ და ოპოზიციურმა პარტიებმა გამოავლინონ ქალთა და მამაკაცთა შორის თანასწორობის მკაფიო პოლიტიკური ნება და დაუჭირონ მხარი საქართველოს მოქალაქეთა საკანონმდებლო ინიციატივას.

2017 წლის 12 ივნისს 37,455-მა ამომრჩეველმა საქართველოს პარლამენტს საკანონმდებლო ინიციატივით მიმართა, რომელიც საპარლამენტო და ადგილობრივი თვითმმართველობის არჩევნებზე, პარტიებსა და ბლოკებს დაავალდებულებს, რომ პარტიულ სიებში ყოველი მეორე განსხვავებული სქესის კანდიდატი წარადგინონ. ასევე, კანონპროექტის მიხედვით, პარლამენტის ან საკრებულოს პროპორციული წესით არჩეული წევრისთვის სადეპუტატო მანდატის ვადამდე შეწყვეტის შემთხვევაში, მის ადგილს დაიკავებს სიაში რიგით მომდევნო იმავე სქესის წარმომადგენელი. შემოთავაზებული მოდელი გენდერული კვოტირების დროებითი სპეციალური ღონისძიების ერთ-ერთ სახეს წარმოადგენს. საკანონმდებლო ინიციატივის მიღების შემთხვევაში 2020 წლის მოწვევის პარლამენტში ქალთა რაოდენობა იქნება მინიმუმ 26%.

საქართველოში მოსახლეობის 52.3% ქალია, თუმცა არჩევით თანამდებობებზე ქალების წარმომადგენლობა შეუსაბამოდ დაბალია. ბოლო საპარლამენტო არჩევნების შედეგად, ქალებმა მანდატების მხოლოდ 16% მოიპოვეს, ხოლო საკრებულოებში არჩეული დეპუტატების 13.46%-ია ქალი. ამ მაჩვენებლებით, საქართველო ქალთა პოლიტიკური წარმომადგენლობის კუთხით განვითარებულ ქვეყნებს მნიშვნელოვნად ჩამორჩება. მიუხედავად უკანასკნელ წლებში არჩეულ ქალთა რაოდენობის მცირე ზრდისა, არსებული ტემპებით საკანონმდებლო და ადგილობრივი თვითმმართველობის ორგანოებში გენდერული დისბალანსის აღმოფხვრას ათეული წლები დასჭირდება.

გამოცდილება აჩვენებს, რომ ქალებს არჩევნებში კანდიდატებად დასახელებისათვის მნიშვნელოვანი საზოგადოებრივი, სოციალური და ეკონომიკური ბარიერების გადალახვა უწევთ. ქალთა წარმომადგენლობას ხელს არ უწყობს საქართველოში დღეს არსებული შერეული საარჩევნო სისტემაც.

არსებული ბარიერების დაძლევა თანასწორობის უზრუნველსაყოფად ქმედითი ზომების გატარებას მოითხოვს. პროპორციულ საარჩევნო სიებში გენდერული კვოტირება, სწორედ საკანონმდებლო, დროებით ზომას წარმოადგენს ქალთა და მამაკაცთა პოლიტიკაში თანასწორი მონაწილეობის უზრუნველსაყოფად. გამოკითხვების მიხედვით, საქართველოს მოსახლეობის უმრავლესობა მიიჩნევს, რომ ქალების რაოდენობა პარლამენტსა და თვითმმართველობის ორგანოებში ძალიან ცოტაა და მხარს უჭერს სავალდებულო გენდერული კვოტების შემოღებას, რაც 37 ათასზე მეტი ამომრჩევლის ხელმოწერითაც დასტურდება.

საქართველოს სახელმწიფომ 2017 წელს კონსტიტუციაში შეტანილი ცვლილებებით, ქალთა და მამაკაცთა შორის უთანასწორობის აღმოფხვრისა და არსებითი თანასწორობის უზრუნველყოფის, მათ შორის განსაკუთრებული ზომების გატარების, ვალდებულება, აიღო. გენდერული თანასწორობის უზრუნველყოფის ვალდებულება არაერთი საერთაშორისო ხელშეკრულებიდან გამომდინარეობს,  მათ შორის „ქალთა დისკრიმინაციის ყველა ფორმის აღმოფხვრის შესახებ“ (CEDAW) კონვენციიდან. კონვენციის ფარგელებში არსებული კომიტეტის რეკომენდაციაში, რომელიც საქართველოს მიერ ქალთა უფლებრივი მდგომარეობის შესახებ პერიოდული ანგარიშების წარდგენის შემდეგ შემუშავდა აღნიშნულია, რომ საქართველოს ქმედითი ნაბიჯები უნდა გადადგას გენდერული თანასწორობის განსამტკიცებლად, მათ შორის მიიღოს სავალდებულო ზომები ქალთა ჩართულობის გაზრდისთვის. უფრო მეტიც, საქართველო-ევროკავშირის ასოცირების განახლებული დღის წესრიგი 2017-2020 შეიცავს ახალ ვალდებულებას საქართველოსთვის, გადადგას აქტიური ნაბიჯები პოლიტიკურ ცხოვრებასა და გადაწყვეტილებების მიღების პროცესში ქალთა წარმომადგენლობის გასაზრდელად.

აღნიშნული კანონპროექტი პარლამენტს და ადგილობრივ მაჟორიტარ დეპუტატებს აძლევს ისტორიულ შანსს, ხელი შეუწყოს ქალთა პოლიტიკური მონაწილეობის ზრდას. მისასალმებელია, რომ საკომიტეტო განხილვის ეტაპზე, კანონპროექტს მხარი უკვე დაუჭირეს იურიდიულ საკითხთა, ადამიანის უფლებათა დაცვისა და რეგიონული განვითარების კომიტეტებმა.

 

FaceBook Twitter Google
ამავე კატეგორიაში






თერჯოლის მუნიციპალიტეტში, კონკურსის შედეგად, 33 ვაკანტური
ადგილისათვის 31 საჯარო მოხელე შეარჩიეს.
13:16 / 24.05.2018
თერჯოლის მუნიციპალიტეტში, კონკურსის შედეგად, 33 ვაკანტური ადგილისათვის 31 საჯარო მოხელე შეარჩიეს.






იმერეთის გუბერნიამ ჩინეთის ძიანსის პროვინციის დელეგაციას
უმასპინძლა.
13:19 / 22.05.2018
იმერეთის გუბერნიამ ჩინეთის ძიანსის პროვინციის დელეგაციას უმასპინძლა.






შავი ზღვის კურორტზე ქუთაისის მერია 270 ბენეფიციარს
11:52 / 22.05.2018
შავი ზღვის კურორტზე ქუთაისის მერია 270 ბენეფიციარს
00:00 / 22.05.2018
"თავისუფალი საქართველოს" იმერეთის ორგანიზაციის






ქუთაისის მერიაში
14:33 / 21.05.2018
ქუთაისის მერიაში "ევროპული საქართველოს" ბრალდებებს უპასუხეს.
ახალი ამბები
თერჯოლის მერიასა და ადმინისტრაციულ ერთეულებში ვაკანტურ თანამდებობებზე 26 საჯარო მოხელე დაინიშნა
13:16 / 24.05.2018
თერჯოლის მუნიციპალიტეტში, კონკურსის შედეგად, 33 ვაკანტური ადგილისათვის 31 საჯარო მოხელე შეარჩიეს.
იმერეთში, სოფლის მეურნეობის სფეროში, შესაძლოა, ჩინურმა მხარემ ინვესტიცია ჩადოს
13:19 / 22.05.2018
იმერეთის გუბერნიამ ჩინეთის ძიანსის პროვინციის დელეგაციას უმასპინძლა.
 შავი ზღვის კურორტზე ქუთაისის მერია წელს  270 ბენეფიციარს გაგზავნის
11:52 / 22.05.2018
შავი ზღვის კურორტზე ქუთაისის მერია 270 ბენეფიციარს
"მუხნარის ტყე კვდომას განიცდის"
00:00 / 22.05.2018
"თავისუფალი საქართველოს" იმერეთის ორგანიზაციის
"ჩატარებული რეორგანიზაციაც ზუსტად ამას ემსახურებოდა, რომ არ მომხდარიყო ფუნქციების დუბლირება"
14:33 / 21.05.2018
ქუთაისის მერიაში "ევროპული საქართველოს" ბრალდებებს უპასუხეს.
ქუთაისის მერიის ააიპებისა და შპს-ების თანამშრომლების ანაზღაურება ბიუჯეტიდან წელიწადში 18 მილიონი ლარით ფინანსდება
12:29 / 21.05.2018
"ევროპული საქართველო" ქუთაისის მერიის
სპორტის ააიპისა და ირაკლი კიკვაძის დაპირისპირებაზე სასამართლო გადაწყვეტილებას 8 ივნისს გამოაცხადებს
14:52 / 15.05.2018
ქუთაისის საქალაქო სასამართლომ ააიპ "სპორტულ დაწესებულებათა გაერთიანების" წინააღმდეგ
წყალტუბოში სამოქალაქო ბიუჯეტირების იდეა წარადგინეს
18:18 / 12.05.2018
წყალტუბოს საკრებულოსთან არსებულ საზოგადოებრივი სარბაზის
ვალუტა
EUR
EUR
2.8711
TRY
TRY
0.5054
USD
USD
2.4491
ამინდი
თბილისი 16 - 30 °C
img
ქუთაისი 16 - 28 °C
img
ბათუმი 18 - 22 °C
img