მე-9 მოწვევის პარლამენტი ქუთაისში
18 ნოემბერს შეიკრიბება. სხდომა პარლამენტში 12:00 საათზეა ჩანიშნული. სხდომაზე პარლამენტის ახალი თავმჯდომარის, ვიცე-სპიკერებისა და კომიტეტების თავმჯდომარეების კანდიდატების მოსმენა იგეგმება.
ახალი მოწვევის პარლამენტის თავმჯდომარე ირაკლი კობახიძე იქნება. ჯერჯერობით უცნობია რამდენი ფრაქცია შეიქნება უმრავლესობაში და ვინ იქნებიან მათი ხელმძღვანელები.
საპარლამენტო უმცირესობას მე-9 მოწვევის პარლამენტში დავით ბაქრაძე უხელმძღვანელებს. “ნაციონალური მოძრაობის” ფრაქციის თავმჯდომარე ნიკა მელია იქნება, ვიცე-სპიკერად კი სერგი კაპანაძე დასახელდა.
ადამიანის უფლებათა დაცვის კომიტეტში ოპოზიციის კვოტით გათვალისწინებულ თანამდებობაზე ნაციონალური მოძრაობა სავარაუდოდ გიორგი ტუღუშს წარადგენს.