SKYE კლუბი არის “ახალგაზრდების ეკონომიკური გაძლიერებისთვის საჭირო უნარებისა

და ცოდნის კლუბი”, რომელიც ახალი წევრების მიღებას აცხადებს. SKYE კლუბების წევრების ასაკი 14-22 წელია, ხოლო კლუბის ხანგრძლივობა – 9 თვე (მარტი-ნოემბერი, 2019); კლუბის წევრობა უფასოა. პროექტის ფარგლებში გაიმართება შეხვედრები წინასწარ შერჩეულ, შესაბამისი კვალიფიკაციისა და გამოცდილების მქონე ახალგაზრდა ლიდერებთან. შეხვედრები აგებულია ინტერაქტიულ მეთოდებზე და მონაწილეთა მაქსიმალურ ჩართულობაზე. პროგრამა მოიცავს: ლიდერობის, დასაქმების, აქტიური მოქალაქეობის და სოციალური მეწარმეობის სასწავლო მიზნებს. 

ახალგაზრდულ კლუბებს SKYE პროგრამის დახმარებით ხსნის ასოციაცია “საქართველოს SOS ბავშვთა სოფელი” გერმანიის საგარეო საქმეთა სამინისტროსა და GIZ მიერ დაფინანსებული პროექტის “ახალგაზრდების გაძლიერება წარმატებისთვის” ფარგლებში.

ასოციაცია ,,საქართველოს SOS ბავშვთა სოფელი”” სოციალურ განვითარებაზე ორიენტირებული არასამთავრობო ორგანიზაციაა. 1989 წლიდან იგი აქტიურად მონაწილეობს ბავშვთა უფლებებსა და საჭიროებებზე მიმართული პროგრამებისა თუ მომსახურებების შემუშავებაში. ასოციაცია “საქართველოს SOS ბავშვთა სოფელი” მოქმედებს “SOS Children’s Villages International “-ის დებულების შესაბამისად, ვინაიდან ეს უკანასკნელი წარმოადგენს მის ქოლგა ორგანიზაციას, რომელსაც მსოფლიოს 132 ქვეყანაში ჰყავს ადგილობრივი წარმომადგენლობა ასოციაციების სახით.
პროექტი ხორციელდება ორგანიზაცია World Vision საქართველოსთან თანამშრომლობით. ორგანიზაციებს შორის დადებული პარტნიორული შეთანხმების საფუძველზე, თელავისა და ახალციხის მუნიციპალიტეტებში ახალგაზრდული კლუბები იფუნქციონირებს World Vision საქართველოს ფარგლებში, ხოლო საქართველოს SOS ბავშვთა სოფლის – ქუთაისისა და ზუგდიდის მუნიციპალიტეტებში.
კლუბები იხსნება შემდეგ მუნიციპალიტეტებში: ზუგდიდი, ქუთაისი, ახალციხე, ვალე, თელავი, ყარაჯალა.

დეტალური ინფორმაციისათვის ეწვიეთ ბმულს  – SKYE -წევრთა მიღება – SOS

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *