ქუთაისში საუკეთესო კალიგრაფიის მქონე მოსწავლეთა და პედაგოგთა ვინაობა ცნობილია

ქუთაისში საუკეთესო კალიგრაფიის

მქონე მოსწავლეები და პედაგოგები გამოავლინეს. I, II და III ადგილზე გასული კონკურსანტები სიგელებითა და ფულადი ჯილდოებით უკვე დასაჩუქრდნენ. 

მოსწავლეთაგან I ადგილი №17 საჯარო სკოლის მოსწავლე მარიამ ბობოხიძემ დაიკავა. მეორე ადგილი №32 საჯარო სკოლის წარმომადგენელს ქეთევან ინასარიძეს, ხოლო III ადგილი №21 საჯარო სკოლის მოსწავლე ლილე ლანჩავას ერგო.

საპრიზო ადგილები პედაგოგებში შემდეგნაირად გადანაწილდა:

I ადგილი – ნატო დანგაძე ( №24 საჯარო სკოლა );

II ადგილი – ინგა ტორჩინავა ( №10 საჯარო სკოლა );

III ადგილი – ნატალია გორდაძე ( №45 საჯარო სკოლა ).

კალიგრაფიის კონკურსი ქუთაისის მუნიციპალიტეტის მერიის მხარდაჭერით და ა(ა)იპ ” ქ. ქუთაისის კულტურულ, სახელოვნებო, საგანმანათლებლო დაწესებულებათა გაერთიანების” ორგანიზებით”, აკაკი წერეთლის სახელობის ქუთაისის პირველ საჯარო სკოლაში 11 აპრილს ჩატარდა.