თბილისში, ვაკის პარკში, შადრევანში დენის დარტყმის შედეგად დაშავებული ერთ-ერთი ბავშვი, 13 წლის გოგო კლინიკაში გარდაიცვალა.

ინფორმაცია მედიას ექიმმა მიაწოდა.

,,შემოვიდა გულის გაჩერებით, რეანიმაციული ღონისძიებები უშედეგო აღმოჩნდა და დაფიქსირდა ბიოლოგიური სიკვდილი”, – ამბობს ექიმი.

მძიმეა კიდევ ერთი დაშავებული ბავშვის მდგომარეობა, მესამე ბავშვი კი კონტაქტურია.

,,მოხდა პირველი პაციენტის, ბიჭის მდგომარეობის სტაბილიზაცია, მართვით სუნთქვაზე გადაყვანა, დასტაბილურების შემდეგ, გადაყვანილ იქნა პედიატრიულ კლინიკაში,’’ – განაცხადა ხეჩინაშვილის კლინიკის ექიმმა.

სამი ბავშვი ვაკის პარკის შადრევანში ბურთის ამოსატანად ჩავიდა. დენის დარტყმის შემდეგ ისინი კლინიკაში სასწრაფომ გადაიყვანა. ერთ-ერთი ბავშვის მდგომარეობა, თვითმხილველების თქმით, თავიდანვე მძიმე იყო.

შინაგან საქმეთა სამინისტრომ საქმის გამოძიება სისხლის სამართლის კოდექსის 240-ე მუხლის პირველი ნაწილით დაიწყო, რაც უსაფრთხოების წესების დარღვევას გულისხმობს.

ვაკის პარკში არსებული მცირე კასკადისა და მრგვალი შადრევნის რეაბილიტაცია 12 ოქტომბერს დასრულდა.

ბავშვი, რომელსაც ვაკის პარკში დენმა დაარტყა, საავადმყოფოში გარდაიცვალა

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *