ხაჭაპურის ფესტივალზე იმერეთის წარმომადგენლები გამარჯვებულები ორ ნომინაციაში გახდნენ

სამეგრელოში, რუხში ხაჭაპურის ფესტივალი გაიმართა. “ხაჭაპურის კონკურსში” საქართველოს

სხვადასხვა რეგიონის 37 მოყვარულმა და პროფესიონალმა მზარეულმა მიიღო მონაწილეობა. იმერეთის წარმომადგენლები გამარჯვებული ორ ნომინაციაში გახდნენ. 

ნომინაციები ასე გადანაწილდა:

მეგრული სამზარეულოს განუმეორებელი გემო – ბელა კუპრავა;

ხაჭაპურის საუკეთესო ვარიაცია – რესტორანი “მენძელი”;

ყველაზე სწრაფი მცხობელი – დარეჯან ყოლანდარია (გარდენ პალასი);

საუკეთესო მცხობელი – ნელი ბოჭორიშვილი (ზესტაფონიდან);

ვიზიტორთა რჩეული ხაჭაპური – “ოკო” (საცხობი ქუთაისიდან);

მომავალის ხაჭაპური – კოლეჯი ,,ახალი ტალღა”;

საუკეთესო ხაჭაპური – რესტორანი “შინ და გორი”.

ხაჭაპურის ფესტივალი წარმოადგენს ახალ ტურისტულ პროდუქტს, რომელიც საქართველოს გასტრონომიული კულტურისა და ხაჭაპურის, როგორც ერთ-ერთი ყველაზე ცნობილი კერძის პოპულარიზაციას ისახავს მიზნად.

ფოტო: სამეგრელო-ზემო სვანეთის მხარე