ქუთაისის ახალგაზრდული ცენტრის მოსწავლეებმა ბულგარეთში
გამართულ ხელოვნების საერთაშორისო ფესტივალზე 9 პირველი ადგილი დაიკავეს.
კონკურსი “ხელოვნება და ზღვა” სამხატვრო, ქორეოგრაფიის, ინსტრუმენტული და ვოკალის მიმართულებებით ტარდებოდა. საპრიზო ადგილები კი ქუთაისის ახალგაზრდულმა ცენტრმა სამხატვრო, ინსტრუმენტული და ვოკალის მიმართულებებიდან მოიპოვა.
ფესტივალს, რომელიც ბულგარეთში 3 დღე მიმდინარეობდა, 18 ქვეყნიდან 400-მდე მონაწილე ჰყავდა.
ქუთაისის ახალგაზრდული ცენტრი მოსწავლეებს რამდენიმე მიმართულებით იღებს. ცენტრის დირექტორი ნატალი პატარიძეა.