ქუთაისის მერია სოციალურ-ეკონომიკური განვითარების
დაგეგმვაში 10 მუნიციპალიტეტიდან ერთ-ერთი საუკეთესოდ დასახელდა. ინფორმაციას ქუთაისის მერი ავრცელებს. მუნიციპალიტეტებში არსებული საუკეთესო პრაქტიკის მაგალითების გამოვლენისა და გამოცდილების სხვა მუნიციპალიტეტებისთვის გაზიარების მიზნით, საქართველოს ადგილობრივ თვითმმართველობათა ეროვნულმა ასოციაციამ (NALAG), პროექტის – “ეფექტიანობის და განვითარების ქსელი” (N4ED) – ფარგლებში, საუკეთესო პრაქტიკის კონკურსი გამოაცხადა.
წარმატებული, გამჭვირვალე, ადეკვატური, გაზიარებადი, მდგრადი – ეს ის კრიტერიუმებია, რომლებითაც სპეციალურად შექმნილი წარმომადგენლობითი კომისია, საუკეთესო პრაქტიკის პროგრამის 2018 წლის კონკურსში მონაწილე მუნიციპალიტეტების პროექტებს აფასებდა.
2017-2018 საკონკურსო წლისთვის შერჩეული თემები გენდერული თანასწორობა, სოციალურ-ეკონომიკური განვითარების დაგეგმვა და სამოქალაქო ჩართულობა იყო.
კონკურსში 24 მუნიციპალიტეტი 35 პროექტით მონაწილეობდა.
კონკურსის დაჯილდოვების ცერემონიალი დღეს გაიმართება, სადაც ქუთაისის მერიას შესაბამისი ჯილდოს გადაეცემენ.