ჭიათურაში საახალწლო სამზადისი მიმდინარეობს.
მუნიციპალიტეტის მერიის პრესსამსახურის ინფორმაციით, კეთილმოწყობის სამსახურმა მუნიციპალიტეტის ქუჩებში სადღესასწაულო განათებების მონტაჟი დაიწყო და უახლოეს დღეებში მოხდება მთავარი ნაძვის ხის აწყობაც. ქალაქში საახალწლო განათებები 17 დეკემბერს ჩაირთვება.
წელს, ჭიათურაში, საახალწლო განათებების მოსაწყობად 20 ათასი ლარია განკუთვნილი.
ფოტო: ჭიათურის მუნიციპალიტეტის მერია.