პოლიტიკა
"ჩვენ ვდგავართ ოქროზე"-სალომე ზურაბიშვილმა წყალტუბოში რეგიონების პოტენციალზე ისაუბრა
"ეს ადგილი არის მაგალითი იმისა, რომ ჩვენ ვდგავართ ოქროზე და არ ვიცით როგორ უნდა გამოვიყენოთ,"-განაცხადა საქართველოს პრეზიდენტმა სალომე ზურაბიშვილმა წყალტუბოში ვიზიტის დროს. ზურაბიშვილი ფორუმს- "რეგიონული ეკონომიკა - ძლიერი მუნიციპალიტეტები დეცენტრალიზაციის რეფორმის კონტექსტში დაესწრო და ქვეყნის რეგიონების პოტენციალზე ისაუბრა.

"საქართველოს რეგიონებში დევს ჩვენი მომავალი. რეგიონებშივე დევს ჩვენი ქვეყნის ოკუპაციის საკითხის გადაწყვეტა. ემიგრაციის პრობლემის გადაჭრაც რეგიონების განვითარებაზეა დამოკიდებული. ბევრად მეტი რესურსია რეგიონებში, ვიდრე დედაქალაქში. მაგალითად, პრომეთეს მღვიმე ერთ-ერთი ყველაზე მნიშვნელოვანი ადგილია. მართალია ტერიტორიები დავკარგეთ, მაგრამ ქვეყანა გაიზარდა. ვგულისხმობ, რომ ბევრად მეტი ტურისტული ადგილი შეიქმნა. თუ ადრე რამდენიმე დღე იყო საკმარისი, ახლა რამდენიმე კვირაა საჭირო ადგილების მოსანახულებლად,"-განაცხადა სალომე ზურაბიშვილმა.

რაც შეეხება წყალტუბოს მუნიციპალიტეტს, საქართველოს პრეზიდენტი მიიჩნევს, რომ ადგილზე გამაჯანსაღებელი ტურიზმი უნდა განვითარდეს, რადგან სამედიცინო და გამაჯანსაღებელი მიმართულება მსოფლიოში აღიარებულია. მისივე თქმით, მიზნის განხორციელებისათვის საჭიროა ისეთივე ბრენდინგი, როგორც ქართული ღვინის. 

სალომე ზურაბიშვილის აზრით, აუცილებელია რეგიონებში თვითმმართველობების გაძლიერება, რადგან მუნიციპალიტეტებმა თავიანთი საჭიროებების შესახებ სახელმწიფოს უნდა უთხრან.


FaceBook Twitter Google
ამავე კატეგორიაში
ამინდი
თბილისი -1 - 9 °C
img
ქუთაისი -1 - 8 °C
img
ბათუმი 4 - 11 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020