პოლიტიკა
"არ ვიცით კონკრეტული ვადები, მიმდინარეობს მუშაობა"
ქუთაისის ხელისუფლება ყველაფერს აკეთებს იმისათვის, რომ ქალაქს მუნიციპალური სატრანსპორტო სისტემა ჰქონდეს. განცხადება ქუთაისის მერიის ტრანსპორტის განყოფილების უფროსმა ოპოზიციის საპასუხოდ გააკეთა.

როგორც ირაკლი ცხვედიანი ამბობს, სატრანსპორტო კუთხით ქალაქში არსებული პრობლემა მუნიციპალური ტრანსპორტის შემოყვანით მოგვარდება, რაზეც მუშაობა უკვე დაწყებულია. მისივე განმარტებით, მოლაპარაკებები მიმდინარეობს ინფრასტრუქტურისა და ფინანსთა სამინისტროებთან, დათვლილია ხარჯები და სამინისტროებში მონაცემები გადაგზავნილია.

"2019-2020 წლის ბოლოს სატრანსპორტო ხაზებს ნებართვების ვადა გადის. ეს არ ნიშნავს იმას, რომ კონკურსი ამ წლების ბოლოსვე გამოცხადდება. ამას სჭირდება სპეციფიური დაგეგმვა და მუშაობა. ჯერ არ ვიცით კონკრეტული ვადები, მიმდინარეობს მუშაობა,"-განაცხადა ცხვედიანმა. 

რაც შეეხება საღამოს საათებში ქალაქში სატრანსპორტო საშუალებების სიმცირეს, ცხვედიანი განმარტებით, მორიგე მიკროავტობუსები საღამოს საათებში რეისებს ასრულებენ, უბრალოდ, იზრდება ლოდინის დრო და ამიტომ ჩნდება მოსაზრება, რომ ტრანსპორტი არ მუშაობს. 

მუნიციპალური სატრანსპორტო სისტემა ქალაქში 2007 წელს გაუქმდა. 

ამ ეტაპზე ქუთაისში 10 საავტომობილო ხაზია, რომელსაც 68 ავტობუსი ემსახურება. ქალაქში ფუნქციონირებს 160 მიკროავტობუსი.

ფოტო:ინტერნეტ სივრცე
FaceBook Twitter Google
ამავე კატეგორიაში
ამინდი
თბილისი -1 - 9 °C
img
ქუთაისი -1 - 8 °C
img
ბათუმი 4 - 11 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020