პოლიტიკა
წყალტუბოსა და ხარაგაულის მერიების აიპების ხელმძღვანელებმა დეკლარაციებში საკუთარი და ოჯახის წევრების ქონება სრულად არ ჩაწერეს
არასამთავრობო ორგანიზაცია "საერთაშორისო გამჭვირვალობა საქართველომ" წყალტუბოსა და ხარაგაულში მუნიციპალური იურიდიული პირების ხელმძღვანელთა ქონებრივი დეკლარაციები შეისწავლა. კვლევის შედეგებმა აჩვენა, რომ წყალტუბოში ორმა, ხოლო ხარაგაულში ერთმა ხელმძღვანელმა დეკლარაციები არასრულად შეავსეს.

"საერთაშორისო გამჭვირვალობა საქართველოს" ინფორმაციით, წყალტუბოს ააიპ "საფეხბურთო კლუბი-სამგურალის" დირექტორმა ზაზა სოფრომაძემ დეკლარაციაში არ მიუთითა, რომ მისი შვილი, ლაშა სოფრომაძე არის შპს "ჰოთ-ბოუთის" 25%-იანი და შპს "ენემი გრუპ იმპორტსის" 7%-იანი წილის მესაკუთრე. ზაზა სოფრომაძემ დეკლარაცია 2018 წელს შეავსო.

დეკლარაცია არასრულად აქვს წარმოდგენილი ააიპ "წყალტუბოს მუნიციპალიტეტის კეთილმოწყობის ცენტრის" დირექტორს თორნიკე ჯიქიას. მას 2018 წელს შევსებულ დეკლარაციაში არ აუსახავს წყალტუბოს სოფელ ყუმისთავში მდებარე სასოფლო-სამეურნეო დანიშნულების ნაკვეთი. 

რაც შეეხება ხარაგაულის მუნიციპალიტეტს, აქ დეკლარაცია არასრულად აიპ "ხარაგაულის დასუფთავებისა და კეთილმოწყობის გაერთიანების" დირექტორმა თეიმურაზ ფურცელაძემ შეავსო. მან დეკლარაციაში არ მიუთითა, რომ მისი შვილი, პავლე ფურცელაძე არის შპს "აი პი კომპანის" 50%-იანი წილის მესაკუთრე.

არასამთავრობო ორგანიზაცია საჯარო სამსახურის ბიუროს მოუწოდებს, შეისწავლოს კვლევაში აღნიშნული პირების ქონებრივი მდგომარეობის დეკლარაციები და მოახდინოს შესაბამისი რეაგირება.





FaceBook Twitter Google
ამავე კატეგორიაში
ქუთაისში ელექტრომობილების პრეზენტაცია მოეწყობა.
11:32 / 17.06.2019
ქუთაისში ელექტრომობილების პრეზენტაცია მოეწყობა.
13:33 / 12.06.2019
"ნაციონალური მოძრაობის" დეპუტატი საკრებულოში
ვალუტა
EUR
EUR
3.0701
TRY
TRY
0.5084
USD
USD
2.6940
«« ივნისი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
თბილისი 19 - 33 °C
img
ქუთაისი 19 - 31 °C
img
ბათუმი 21 - 26 °C
img
პოპულარული - ბოლო 30 დღის
ირაკლი ჯულაყიძის სამეცნიერო ექსპედიცია ინდოეთში
აკ. წერეთლის უნივერსიტეტის ასოცირებულმა პროფესორმა, მთამსვლელთა და მოგზაურთა კლუბის "თეთნულდის" წევრმა ირაკლი ჯულაყიძემ,
18:10 / 20.05.2019
ქუთაისში ოლიმპიური სტანდარტების აუზის პროექტირებაზე ტენდერი კვლავ გამოცხადდება
ქუთაისში ოლიმპიური სტანდარტების აუზის მშენებლობის პროექტირებაზე
17:36 / 28.05.2019
ვარციხის სკოლის პედაგოგი პროექტის „მასწავლებელი – მეგზური ევროპისკენ“ გამარჯვებულია
ვარციხის საჯარო სკოლის სამოქალაქო განათლების პედაგოგი ნანა მარღანია პროექტის,
13:35 / 28.05.2019
"საქართველო არასოდეს შეეგუება რუსულ ოკუპაციას" - ქუთაისელი ოფიცრის გზავნილი აშშ-დან
ამერიკის შეერთებულ შტატებში, ფილადელფიის მერიისა და აშშ-ში საქართველოს საელჩოს ორგანიზებით,
15:48 / 05.06.2019