პოლიტიკა
ქუთაისის მერიის 4 შპს-სა და აიპის ხელმძღვანელებს ქონებრივი დეკლარაცია არასრულად აქვთ შევსებული
იმერეთში მუნიციპალური იურიდიული პირების ხელმძღვანელთა ნაწილს ქონებრივი დეკლარაციები არასრულად აქვს შევსებული. კვლევა "საერთაშორისო გამჭვირვალობა საქართველომ" მოამზადა. ორგანიზაციის წევრებმა ხელმძღვანელი პირების 45 დეკლარაცია შეისწავლეს.

კვლევის შედეგად, იმერეთში დეკლარაციის არასრულად შევსების 16 ფაქტი გამოვლინდა. 7 შემთხვევა საკუთარი და ოჯახის წევრების მფლობელობაში არსებული წილების მიუთითებლობას ეხება. 6 შემთხვევაში თანამდებობის პირებს საკუთარი წილი სხვა პირებისთვის მინდობით არ გადაუციათ, ხოლო 3 შემთხვევაში არ აღუნიშნავთ ოჯახის წევრების მფლობელობაში არსებული უძრავი ქონება.

ორგანიზაციამ ქუთაისში 4 ფაქტი დააფიქსირა. ქუთაისის ა(ა)იპ "ბაგა-ბაღების გაერთიანების" ხელმძღვანელმა დავით წიტაიშვილმა 2018 წლის სექტემბერში შევსებულ დეკლარაციაში არ მიუთითა, რომ ის კოოპერატივ "ბარაქას" ერთ-ერთი დამფუძნებელი და 20%-იანი წილის მესაკუთრეა.

დეკლარაცია არასრულად აქვს შევსებული ქუთაისში საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრის ხელმძღვანელს მაია ნადარეიშვილსაც. მან 2018 წლის დეკლარაციაში არ მიუთითა, რომ მისი მეუღლე, ბიქტორ ბალანჩივაძე არის შპს "ლუკა XXI"-ს 25%-იანი წილის მესაკუთრე და დირექტორი, ასევე შპს "მერონის" 10%-იანი წილის მფლობელი.

რაც შეეხება რამაზ შენგელიას სახელობის სტადიონის დირექტორს, თეიმურაზ კიკვაძეს, მან 2018 წლის სექტემბერში შევსებულ დეკლარაციაში არ მიუთითა, რომ ის არის შპს "მოგას" 6%-იანი წილის მესაკუთრე, ასევე შპს "მ.ვ.კ. 2011-ს" 100%-იანი წილის მფლობელი.

კვლევაში ნათქვამია, რომ შპს "ქართული ტრადიციები 2011-ის " დირექტორს ირაკლი სარიშვილს 2018 წლის აგვისტოში შევსებულ დეკლარაციაში არ აქვს მითითებული, რომ ის არის შპს "ავტო კომფორტის" დირექტორი და 50%-იანი წილის მესაკუთრე. ასევე, მან დეკლარაციაში არ ასახა ინფორმაცია მამის სამეწარმეო საქმიანობის შესახებ: ოთარ სარიშვილი არის შპს "ზორიოზონის" 100%-იანი წილის მესაკუთრე, შპს "თანამედროვე ტექნოლოგიების ცენტრის" 33%-იანი და შპს "კავკასტურის" 100%-იანი წილის მესაკუთრე. ოთარ სარიშვილი არის ზემოთ ჩამოთვლილი სამივე შპს-ს დირექტორი.

"საერთაშორისო გამჭვირვალობა-საქართველო" მიმართავს საჯარო სამსახურის ბიუროს, წარმოდგენილი ინფორმაციის საფუძველზე, შეისწავლოს კვლევაში აღნიშნული პირების ქონებრივი მდგომარეობის დეკლარაციები და მოახდინოს შესაბამისი რეაგირება.

FaceBook Twitter Google
ამავე კატეგორიაში
ქუთაისის მერიის ეკონომიკური განვითარების, ადგილობრივი
21:30 / 24.01.2020
ქუთაისის მერიის ეკონომიკური განვითარების, ადგილობრივი
ქუთაისის მერიის ეკონომიკური განვითარების, ადგილობრივი
21:30 / 24.01.2020
ქუთაისის მერიის ეკონომიკური განვითარების, ადგილობრივი
ამინდი
თბილისი -2 - 4 °C
img
ქუთაისი -4 - 4 °C
img
ბათუმი 3 - 7 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020