პოლიტიკა
ქუთაისის მერიაში რეორგანიზაციის დაწყებას ითხოვენ
ქუთაისის საკრებულოს უმრავლესობის დეპუტატი ალეკო ახალაძე გიორგი ჭიღვარიას მერიაში რეორგანიზაციის დაწყების თხოვნით მიმართავს. როგორც ახალაძე აცხადებს, მერიასა და მის დაქვემდებარებაში მყოფ აიპებში ბევრი "საბოტაჟნიკია", რომლებიც ქალაქის წინსვლასა და განვითარებას აფერხებენ. ახალაძის აზრით, არჩევნებში ხელისუფლებას ადმინისტრაციული რესურსი არ გამოუყენებია. მისივე განმარტებით, აღნიშნული რესურსი "დამნაშავე" ძალამ გამოიყენა.

"მერიის შენობაში არის ძალიან ბევრი "ნაციონალური მოძრაობის" წევრი. როდესაც მოდის მომხმარებელი და ითხოვს მომსახურებას, ისინი შეგნებულად აჭიანურებენ ამას. შემდეგ კი ისრები მოდის მერიასა და საკრებულოზე. ეს ძალა მოსახლეობას არ მიიყვანს ამოცანების შესრულებამდე, რაც მოსახლეობამ დაისახა. ბევრი ხალხი აცდენს, არ მუშაობს. ეს ხალხი უნდა აღირიცხოს და გამოიკვეთოს, იზიარებენ თუ არა ისინი იმ კურსს, რომელსაც მოქმედი ხელისუფლება ახორციელებს,"-განაცხადა ალეკო ახალაძემ.

ახალაძის გამოსვლას გამოეხმაურა უმრავლესობის დეპუტატი ოთარ ლორთქიფანიძე.

"პოლიტიკური ნიშნით არ ვყოფთ თანამშრომლებს. მე ვფიქრობ, რომ რეორგანიზაცია საჭიროა იმისათვის, რომ გაუმჯობესდეს მხოლოდ და მხოლოდ მენეჯმენტი. ბატონი ალეკოს განცხადება ამას ემსახურებოდა, უბრალოდ, თან ერთვოდა განცდები და პირველი ტურის შედეგები ქუთაისში,"-განაცხადა ოთარ ლორთქოფანიძემ.
FaceBook Twitter Google
ამავე კატეგორიაში
ამინდი
თბილისი -1 - 9 °C
img
ქუთაისი -1 - 8 °C
img
ბათუმი 4 - 11 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020