გენდერული თანასწორობის საბჭო ქალთა

მიმართ ძალადობის აღმოფხვრის საერთაშორისო დღეს სემინარების ციკლით აღნიშნავს.

გენდერული ძალადობის წინააღმდეგ 16 დღიან კამპანია დღეს იწყება და 10 დეკემბერს, ადამიანის უფლებათა დაცვის საერთაშორისო დღეს დასრულდება.

გენდერული თანასწორობის საბჭოს თავმჯდოამრის ირაკლი შენგელიას თქმით სემინარების ციკლი ქუთაისში საბჭოში შემავალი თავის წევრ ორგანიზაციებთან პარტნიორობით განხორციელდება.

“საბჭოში წელს აქცენტს ვაკეთებთ ცნობიერების გაზრდასა და კომპეტენციების გამყარებაზე. ამის ფარგლებში ჩატარდა რამდენიმე კვირის წინ თავად საბჭოს წევრებისთვის ტრენინგთა ციკლი. ახლა უკვე საბჭო იწყებს სემინარების ციკლს ახალგაზრდებისთვის. საბჭოში შემავალი ორგანიზაციები საკუთარ ლოკაციებზე გამართავენ შეხვედრებს. სემინარებზე დასწრება თავისუფალია და ნებისმიერ მსურველს ექნება მასში ჩართვის შესაძლებლობა, ამისთვის მხოლოდ საჭიროა მოგვწერონ ჩვენს ოფიციალურ გვერდზე. სემინარების ფარგლებში, ამ 16 დღის მანძილზე, მოხდება 2 თემის დაფარვა: რა არის გენდერი და რას ნიშნავს გენდერულად მგრძნობიარე ბიუჯეტი. აქვე, ნებისმიერ დაწესებულებას ვისაც სურვილი აქვს იყოს ჩართული ამ პროცესში შეუძლია დაგვიკავშირდეს და ჩვენ ვუზრუნველვყოფთ მათთან სემინარების ჩატარებას.” – ამბობს ირაკლი შენგელია, გენდერული თანასწორობის საბჭოს თავმჯდომარე.

კამპანიის ფარგლებში საბჭო დაფარავს ორ თემასა: გენდერი და გენდერულად მგრძნობიარე ბიუჯეტი.

შეგახსენებთ, რომ გენდერული ძალადობის წინააღმდეგ 16 დღიანი კამპანია მსოფლიოში 1991 წლიდან იმართება. კამპანია მიზნად ისახავს 16 დღის განმავლობაში საზოგადოებრივი ცნობიერების ამაღლებას და ქალთა მიმართ ძალადობის წინააღმდეგ ბრძოლის სფეროში არსებული გამოწვევების აქტუალიზაციას.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *