პოლიტიკა
500 მილიონიან ტექნოლოგიურ უნივერსიტეტზე ქართუს ამ დროისთვის 10 მლნ ლარი აქვს დახარჯული
ქუთაისის ტექნოლოგიური უნივერსიტეტის გახსნის თარიღმა 2020 წლის შემოდგომისთვის გადაიწია. თავდაპირველი პროექტის მიხედვით, ბიძინა ივანიშვილის ქართუ ფონდის დაფინანსებით აშენებულ უნივერსიტეტს სტუდენტები 2019 წლის შემოდგომაზე უნდა მიეღო. ქართუ ფონდის პროექტების ხელმძღვანელის ვახტანგ ცაგარელის თქმით, დღეისთვის ადგილზე განხორციელებული ინვესტიციების საერთო მოცულობა დაახლოებით 10 მილიონ ლარს შეადგენს. პროექტის საერთო ღირებულება კი 500 მლნ ევრო უნდა იყოს.

პროექტის მიხედვით, ახალი უნივერსიტეტი 140 ჰექტარის ტერიტორიაზე იქნება განთავსებული და მაქსიმალური დატვირთვის პირობებში მასში 60,000 სტუდენტი მიიღებს განათლებას. შედარებისთვის, სტუდენტთა ეს მოცულობა თსუ-ზე თითქმის სამჯერ მეტია. მთავრობამ 2018 წლის 13 ნოემბერს გამოცემული დადგენილებით, ააიპ "ქუთაისის საუნივერსიტეტო კომპლექსს" 49 წლიანი ვადით გადასცა ქალაქ ქუთაისში რიონჰესის მიმდებარედ 82 ჰექტარის მიწის ნაკვეთი.

ამჟამად ტერიტორიაზე მშენებლობის წინა მოსამზადებელი სამუშაოები მიმდინარეობს. ქართუ ფონდი მშენებლობის დაწყებას 2019 წლის გაზაფხულზე გეგმავს, ეს თარიღიც ერთხელ უკვე გადავადდა. უნივერსიტეტის პროექტის საზეიმო პრეზენტაცია 2016 წლის 12 სექტემბერს, საპარლამენტო არჩევნებამდე რამდენიმე კვირით ადრე მოხდა, ის გიორგი კვირიკაშვილმა წარადგინა.

უნივერსიტეტის რექტორის მოვალეობის შემსრულებლის თემურ მურღულიას თქმით, პირველ წელს უნივერსიტეტის მიღება დაახლოებით 2-3 ათასი იქნება. ხოლო 60,000 სტუდენტამდე ასვლა ეტაპობრივად, წლების განმავლობაში მოხდება.

"60,000 პირველ წელს არცერთ უნივერსიტეტს არ ყოლია და არც ეყოლება. 60,000 არის ამ უნივერსიტეტის იდეის ავტორისა და სპონსორების სურვილი და მზაობა. ისინი მოწოდებული არიან რომ ხელი შეუწყონ უნივერსიტეტის განვითარებას. გეგმა და მიზანი არის რომ გაიზარდოს სტუდენტთა რაოდენობა 60,000-მდე. ეს არ ნიშნავს, რომ ჩვენს კამპუსში ერთდროულად ამდენი სტუდენტი იყოს.

მიუნხენის ტექნოლოგიურ უნივერსიტეტს დაახლოებით 10 წელი დასჭირდა რომ 3 ათასიდან 45 ათასამდე მიეღწია. მითუმეტეს ეს უნივერსიტეტი არ არის გათვლილი მხოლოდ ქართველ სტუდენტებზე. ეს იქნება რეგიონალური უნივერსიტეტი. მგონია რომ ჩვენ, დაახლოებით იგივე პერიოდში, დაახლოებით ისეთივე წარმატების მიღწევას შევძლებთ."

თემურ მურღულიას თქმით, ძირითადი აკადემიური ბირთვის დაკომპლექტება 2019 წელს არის დაგეგმილი. "ჩვენ 2019 წელს ავიყვანთ დაახლოებით 50 პირს, ეს იქნება ძირითადი საორგანიზაციო და აკადემიური პერსონალი. დანარჩენი მოხდება უკვე 2020 წელს. 2020 წელს 100 თანამშრომელზე გაცილებით მეტი ადამიანის აყვანა მოხდება,"- ამბობს მურღულია.

რექტორის მოვალეობის შემსრულების თქმით, გარკვეულ კონცენტრაციებზე ქართულთან ერთად უცხოური დიპლომის გაცემაც მოხდება. უნივერსიტეტის მთავარი საერთაშორისო პარტნიორი მიუნხენის ტექნოლოგიური უნივერსიტეტია. ქართუ ფონდის ინფორმაციით, ისინი ყველაზე მჭიდროდ სწორედ ამ სასწავლებელთან თანამშრომლობენ.

ქუთაისის ტექნოლოგიური უნივერსიტეტი 1 მილიარდი ევროს მოცულობის პროექტის ნაწილია, რომელიც თბილისის ტექნოლოგიურ ე.წ. ადრონული თერაპიის ცენტრს და საუნივერსიტეტო ქალაქს აერთიანებს. ქართუ ფონდის ინფორმაციით 500 მილიონი ევროს ღირებულების ადრონული თერაპიის ცენტრის პროექტზე დღეისთვის დაახლოებით 6 მილიონი ლარი არის დახარჯული.

წყარო: bm.ge
FaceBook Twitter Google
ამავე კატეგორიაში
ყველა ერთუჯრედიანია და უპატრონო დგას რუსთაველის გამზირზე
19:30 / 25.06.2019
ყველა ერთუჯრედიანია და უპატრონო დგას რუსთაველის გამზირზე" - ეს სიტყვები სამტრედიის
ქუთაისის საკრებულოს
15:32 / 25.06.2019
ქუთაისის საკრებულოს "ევროპული საქართველოს" დეპუტატები
18:10 / 24.06.2019
"მნიშვნელოვანია, რომ ქვეყნის უმაღლესი წარმომადგნელობითი ორგანო წარმოადგინოს იმ ძალებმა,
ქუთაისში, შინაგან საქმეთა მინისტრის, გიორგი გახარიას 
გადადგომის მოთხოვნით,
14:15 / 24.06.2019
ქუთაისში, შინაგან საქმეთა მინისტრის, გიორგი გახარიას  გადადგომის მოთხოვნით,
ვალუტა
EUR
EUR
3.0701
TRY
TRY
0.5084
USD
USD
2.6940
ამინდი
თბილისი 19 - 36 °C
img
ქუთაისი 22 - 33 °C
img
ბათუმი 23 - 27 °C
img
პოპულარული - ბოლო 30 დღის
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა.
08:26 / 18.06.2019
"საქართველო არასოდეს შეეგუება რუსულ ოკუპაციას" - ქუთაისელი ოფიცრის გზავნილი აშშ-დან
ამერიკის შეერთებულ შტატებში, ფილადელფიის მერიისა და აშშ-ში საქართველოს საელჩოს ორგანიზებით,
15:48 / 05.06.2019
ქუთაისში ოლიმპიური სტანდარტების აუზის პროექტირებაზე ტენდერი კვლავ გამოცხადდება
ქუთაისში ოლიმპიური სტანდარტების აუზის მშენებლობის პროექტირებაზე
17:36 / 28.05.2019
ვარციხის სკოლის პედაგოგი პროექტის „მასწავლებელი – მეგზური ევროპისკენ“ გამარჯვებულია
ვარციხის საჯარო სკოლის სამოქალაქო განათლების პედაგოგი ნანა მარღანია პროექტის,
13:35 / 28.05.2019