ქუთაისის მეორმოცე საარჩევნო უბანზე

პირველი დარღვევა დაფიქსირდა. საუბნო საარჩევნო კომისიის წევრმა და ამავდროულად პირველმა ამომრჩეველმა ხმის მიცემა მარკირების გავლის გარეშე სცადა. დარღვევა უბანზე “ერთიანი ნაციონალური” მოძრაობის წარმომადგენელმა ელზა ბურჯალიანმა დააფიქსირა. ბურჯალიანის განმარტებით, ამომრჩეველს მარკირება გაატარეს და მან ხმა ამის შემდგომ მისცა. დაფიქსირებული დარღვევის შემდეგ საარჩევნო უბანი სხდომის მდივანმა პროტესტის ნიშნად დატოვა, თუმცა, ადგილს 25 წუთის შემდეგ დაუბრუნდა.

დარღვებაზე კომენტარი არ გააკეთა კომისიის თავმჯდომარემ.

“ნაციონალური მოძრაობის” წარმომადგენელმა საჩივარი უკვე დაწერა.

ქუთაისში სულ 124 საარჩევნო უბანია, მათ შორის ერთი სპეც უბანი. სპეც უბანი მეორე პენსისტენციურ დაწესებულებაში ფუნქციონირებს.

ქუთაისში 156 051 ამომრჩეველია რეგისტრირებული. ქალაქში 124 საარჩევნო უბანია გახსნილი. მოქალაქეები არჩევანს 25 კანდიდატს შორის გააკეთებენ.

2018 წელს პრეზიდენტი უკანასკნელად აირჩევა პირდაპირი და საყოველთაო არჩევნების საფუძველზე. 2017 წელს საქართველოს კონსტიტუციაში განხორციელებული ცვლილებების თანახმად, 2018 წლის შემდეგ პრეზიდენტი საყოველთაო არჩევნების გარეშე, არაპირდაპირი წესით აირჩევა. გამონაკლისის სახით, 2018 წელს პირდაპირი წესით არჩეული ბოლო პრეზიდენტის უფლებამოსილების ვადა 5 წლის ნაცვლად 6 წლით განისაზღვრა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *