პოლიტიკა
"ქართული ოცნება" არის ჭუჭყი, რომელიც საქართველომ უნდა ჩამოირეცხოს"-აქცია ქუთაისში
"ნუ ასარდაფებ", "არა კრიმინალურ რეჟიმს", "არ დავუშვებთ მხედრიონის დაბრუნებას"- აღნიშნული სლოგანების ფონზე ქუთაისში აქცია გაიმართა. აქციის მონაწილეები სამაუწყებლო კომპანია "რუსთავი-2"-ის მიერ გავრცელებულ ფარულ ჩანაწერებს გამოეხმაურნენ და ხელისუფლებას გადადგომისაკენ მოუწოდეს. ქუთაისის სამხარეო ადმინისტრაციასთან შეკრებილებმა განაცხადეს, რომ საზოგადოებამ კრიმინალურ რეჟიმს არა უნდა უთხრას.

მოძრაობა "ძალა ერთობაშია"-ს წევრი გია უკლება აცხადებს, რომ "ქართული ოცნება" არის ჭუჭყი, რომელიც საქართველომ 28 ოქტომბერს უნდა ჩამოირეცხოს.

"ბიძინა ივანიშვილი და "ქართული ოცნება" არის ჭუჭყი, რომელიც საქართველომ უნდა ჩამოირეცხოს. ეს არის ნეპოტიზმის, ადამიანების სარდაფებში წამების, კორუფციის ჭუჭყი,"-ამბობს გია უკლება.

ქუთაისის ყოფილი მერი და "ძალა ერთობაშია"-ს წევრი გია თევდორაძე მიიჩნევს, რომ თუ ქვეყნის უკუსვლის შესახებ საზოგადოებაში მხოლოდ ეჭვი არსებობდა, ჩანაწერების გასაჯაროვებამ აღნიშნული დაადასტურა.

"დადასტურდა, რომ დღეს ქვეყანა სარდაფით იმართება. თუ დღეს საკადრის პასუხს არ გავცემთ ხელისუფლებას, ჩვენს შვილებს უმომავლობისთვის გავწირავთ,"-განაცხადა გია თევდორაძემ.

"ძალა ერთობაშია"-ს წევრის გიგა შუშანიას თქმით, ხელისუფლებას კრიმინალების ბანდა მართავს, რომლებიც კორუფციაში არიან ჩაფლული.

"საქართველოს დღეს კრიმინალების ბანდა მართავს. ქართველი ხალხის ხარჯზე ისინი სასახლეებს იშენებენ. აღმოჩნდა, რომ თითოეულ გავლენიან პირს ხელისუფლებაში ჰყავს საკუთარი შეიარაღებული დაჯგუფება,"-აცხადებს გიგა შუშანია.

"რუსთავი 2-მა" აუდიოჩანაწერი გაასაჯაროვა, სადაც ხორავას ქუჩაზე მოკლული მოზარდების საქმეზე დანაშაულის შეუტყობინებლობის ბრალდებით დაკავებული მირზა სუბელიანი მასთან საკანში მისულ "ქართული ოცნების" დეპუტატს მესტიიდან, ვიქტორ ჯაფარიძეს და ლტოლვილთა სამინისტროს ყოფილ მაღალჩინოსან, გენერალური ინსპექციის ყოფილი თანამშრომელს დათო ცუხიშვილს ესაუბრება.

ჩანაწერებიდან მრავალ კანონდარღვევას ეხდება ფარდა, მათ შორის ადამიანების გატაცების, წამების და არაფორმირებული შეიარაღებული ფორმირებების შესახებ.  

გლდანის #8 სასჯელაღსრულების დაწესებულებაშია გაკეთებული ჩანაწერების მიხედვით, სავარაუდოდ მირზა სუბელიანი საუბრობს, რომ ის საკუთარი ნებით ჩაჯდა ციხეში და გაურიგდა ხელისუფლებას, მაგრამ სუბელიანი უკმაყოფილებას გამოთქვამს მმართველი გუნდის დამოკიდებულებით და ამბობს, რომ ხელისუფლება ჯეროვნად ვერ აფასებს მის ერთგულებას.

აუდიოჩანაწერთან დაკავშირებით პროკურატურამ სისხლის სამართლის საქმე პირადი ცხოვრების საიდუმლოს უკანონოდ მოპოვებისა და შენახვის, იძულების, პატიმრობაში მყოფი პირის კერძო საუბრის უნებართვო ჩაწერის, უკანონოდ შენახვისა და ხელმისაწვდომობის უზრუნველყოფის და სამსახურებრივი უფლებამოსილების გადამეტების შესაძლო ფაქტებზე, სსკ 150-ე მუხლის პირველი, 157"-ე მუხლის პირველი, 158-ე მუხლის პირველი და მეორე ნაწილებითა და 333- ე მუხლის პირველი ნაწილით აღძრა. საუბრის ნამდვილობა უკვე დაადასტურა დეპუტატმა ვიქტორ ჯაფარიძემ.


FaceBook Twitter Google
ამავე კატეგორიაში
ქუთაისის 2020 წლის ბიუჯეტის პროექტის მოცულობა  61 032 200
ლარია.
16:47 / 18.11.2019
ქუთაისის 2020 წლის ბიუჯეტის პროექტის მოცულობა  61 032 200 ლარია.
ქუთაისის ბაგა-ბაღების ნაწილში გათბობის სისტემა ჩართული
15:04 / 18.11.2019
ქუთაისის ბაგა-ბაღების ნაწილში გათბობის სისტემა ჩართული
ქუთაისის ბაგა-ბაღების ნაწილში გათბობის სისტემა ჩართული
15:04 / 18.11.2019
ქუთაისის ბაგა-ბაღების ნაწილში გათბობის სისტემა ჩართული
მერიამ ქუთაისის 2020 წლის ბიუჯეტის პროექტი საკრებულოს უკვე
გადაუგზავნა.
14:49 / 18.11.2019
მერიამ ქუთაისის 2020 წლის ბიუჯეტის პროექტი საკრებულოს უკვე გადაუგზავნა.
13:38 / 18.11.2019
"თავისუფლება ვაჟა გაფრინდაშვილს"-ცხინვალის საოკუპაციო
ამინდი
თბილისი -1 - 11 °C
img
ქუთაისი 5 - 19 °C
img
ბათუმი 11 - 18 °C
img
პოპულარული - ბოლო 30 დღის
"მუხრანობა 2019" მუხრან მაჭავარიანის 90 წლის იუბილეს მიეძღვნება
საჩხერეში სახალხო დღესასწაულს "მუხრანობა 2019"-ს 2 ნოემბერს აღნიშნავენ.
15:42 / 22.10.2019
,,ქუთაისში ჩვენ გვაქვს არგონავტიკის ეპოქის არტეფაქტები" - როლანდ ისაკაძე
აკაკი წერეთლის სახელმწიფო უნივერსიტეტის ასოცირებული პროფესორი როლანდ
13:00 / 04.11.2019
ზეკარის ხეობის 5 ხიდს კულტურული მემკვიდრეობის ძეგლის სტატუსი მიენიჭა
ზეაკრის ხეობაში 5 ხიდი კულტურული მემკვიდრეობის სტატუსის მატარებელია.
12:39 / 28.10.2019
მსოფლიო საოპერო ვარსკვლავები, რომლებიც ქუთაისში 9 ნოემბერს იმღერებენ
ქუთაისს, 9 ნოემბერს, საქველმოქმედო კონცერტის ფარგლებში, მსოფლიო
12:30 / 30.10.2019
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა.
16:59 / 30.10.2019