პოლიტიკა
ქუთაისის მერია: მაღალჩინოსნების დეკლარაცია კანონის მოთხოვნების შესაბამისადაა შევსებული
ქუთაისის მერიაში "საერთაშორისო გამჭვირვალობა საქართველოს კვლევას" ეხმაურებიან.
თვითმმართველობაში განმარტავენ, რომ მერსა და მერიის მაღალჩინოსნებს ქონებრივი დეკლარაცია კანონის მოთხოვნების შესაბამისად აქვთ შევსებული.

"ქუთაისის მერის გიორგი ჭიღვარიას მამის სახელზე არსებული საცხოვრებელი სახლი სოფელ ჭრებალოში დეკლარაციაში მითითებულია კანონის მოთხოვნის შესაბამისად. დეკლარაციაში დაფიქსირებული საცხოვრებელი სახლი მიმაგრებულია მიწის ნაკვეთზე, რომელიც წარმოადგენს აღნიშნული საცხოვრებელი სახლის ეზოს,"-ნათქვამია მერიის განცხადებაში.

რაც შეეხება ფაქტს, რომ ქუთაისის მერი შპს "ქუთაისის დამოუკიდებელ სასწავლო უნივერსიტეტში" 33,3%-იანი წილს ფლობს, თვითმმართველობაში იმით ხსნიან, რომ უნივერსიტეტს ბოლო რამდენიმე წელი არანაირი აქტივი და ფულადი ბრუნვა არ ჰქონია.

არასამთავრობო ორგანიზაცია ქუთაისის მერიის ეკონომიკური სამსახურის უფროს გიორგი გიორგობიანს ბიზნეს წილების ქონას ედავებოდა, თუმცა, მერიაში განმარტავენ, რომ შპს "ჯი.თი.ჯი გრუპი" რამდენიმე წელია გაუქმებულია.

მერიაში აცხადებენ, რომ ქონებრივი დეკლარაცია სამხედრო სამსახურის უფროს ვალერი ყენიასაც კანონის დაცვით აქვს შევსებული- სოფელ ჩაისუბანში არსებული მიწის ნაკვეთი დეკლარაციაში სახლთან ერთად არის მითითებული.

ქუთაისის მერიის კომენტარს "საერთაშორისო გამჭვირვალობა-საქართველო"-ში უპასუხეს. ორგანიზაციაში აღნიშნავენ, რომ სამეწარმეო რეესტრის მონაცემების მიხედვით, კვლევაში წარმოდგენილი ყველა კომპანიას დღესაც აქტიური სტატუსი გააჩნია, თანამდებობის პირები კი მათ მეწილეებად ან/და დირექტორად ირიცხებიან.

"აღნიშნულის დასტურად თითოეულ შემთხვევაზე თან არის დართული (ჰიპერლინკის მეშვეობით) შესაბამისი ამონაწერი მეწარმეთა და არასამეწარმეო (არაკომერციულ) იურიდიულ პირთა რეესტრიდან. კანონდებლობის თანახმად, სამეწარმეო სუბიექტი არსებობას მხოლოდ რეგისტრაციის გაუქმების შემდეგ წყვეტს. ყველა კომპანია, რომელიც ნახსენებია კვლევაში, იძებნება საჯარო რეესტრის ბაზაში "აქტიურის" სტატუსით. შესაძლებელია, კომპანიების ნაწილი აღარ ფუნქციონირებდეს, თუმცა, ეს არ ათავისუფლებს თანამდებობის პირს ვალდებულებისაგან, რომ კომპანიაში წილის არსებობის შესახებ მიუთითოს თანამდებობის პირის დეკლარაციაში და გათავისუფლდეს დირექტორის თანამდებობიდან. ჩვენი კვლევა ეფუძნება საჯარო და სამეწარმეო რეესტრებიდან მიღებულ ინფორმაციას და ნებისმიერ ადამიანს შეუძლია, აღნიშნული ინფორმაციის გადამოწმება. შესაბამისად, კონკრეტული არგუმენტის გარეშე განაცხადო, რომ კვლევაში არის შეცდომები - არ არის დამაჯერებელი და მიზნად ისახავს საზოგადოების შეცდომაში შეყვანას,"- აცხადებენ "საერთაშორისო გამჭვირვალობა-საქართველო"-ში.

შეგახსენებთ, რომ "საერთაშორისო გამჭვირვალობა" საქართველომ კვლევა 12 ივლისს გამოაქვეყნა. კვლევა ქუთაისის მერისა და მერიის მაღალჩინოსნების დამალული ქონებისა და ბიზნეს წილების შესახებაა.

FaceBook Twitter Google
ამავე კატეგორიაში
ქუთაისის 2020 წლის ბიუჯეტის პროექტის მოცულობა  61 032 200
ლარია.
16:47 / 18.11.2019
ქუთაისის 2020 წლის ბიუჯეტის პროექტის მოცულობა  61 032 200 ლარია.
ქუთაისის ბაგა-ბაღების ნაწილში გათბობის სისტემა ჩართული
15:04 / 18.11.2019
ქუთაისის ბაგა-ბაღების ნაწილში გათბობის სისტემა ჩართული
ქუთაისის ბაგა-ბაღების ნაწილში გათბობის სისტემა ჩართული
15:04 / 18.11.2019
ქუთაისის ბაგა-ბაღების ნაწილში გათბობის სისტემა ჩართული
მერიამ ქუთაისის 2020 წლის ბიუჯეტის პროექტი საკრებულოს უკვე
გადაუგზავნა.
14:49 / 18.11.2019
მერიამ ქუთაისის 2020 წლის ბიუჯეტის პროექტი საკრებულოს უკვე გადაუგზავნა.
ამინდი
თბილისი -1 - 11 °C
img
ქუთაისი 5 - 19 °C
img
ბათუმი 11 - 18 °C
img
პოპულარული - ბოლო 30 დღის
"მუხრანობა 2019" მუხრან მაჭავარიანის 90 წლის იუბილეს მიეძღვნება
საჩხერეში სახალხო დღესასწაულს "მუხრანობა 2019"-ს 2 ნოემბერს აღნიშნავენ.
15:42 / 22.10.2019
,,ქუთაისში ჩვენ გვაქვს არგონავტიკის ეპოქის არტეფაქტები" - როლანდ ისაკაძე
აკაკი წერეთლის სახელმწიფო უნივერსიტეტის ასოცირებული პროფესორი როლანდ
13:00 / 04.11.2019
ზეკარის ხეობის 5 ხიდს კულტურული მემკვიდრეობის ძეგლის სტატუსი მიენიჭა
ზეაკრის ხეობაში 5 ხიდი კულტურული მემკვიდრეობის სტატუსის მატარებელია.
12:39 / 28.10.2019
მსოფლიო საოპერო ვარსკვლავები, რომლებიც ქუთაისში 9 ნოემბერს იმღერებენ
ქუთაისს, 9 ნოემბერს, საქველმოქმედო კონცერტის ფარგლებში, მსოფლიო
12:30 / 30.10.2019
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა.
16:59 / 30.10.2019