პოლიტიკა
"ევროპული საქართველოს" ქუთაისის ორგანიზაციის თავმჯდომარე დავით გოგისვანიძე გახდა
"ევროპული საქართველოს" ქუთაისის ორგანიზაციის თავმჯდომარედ დავით გოგისვანიძე დასახელდა.

გოგისვანიძე აღნიშნულ პოსტზე პრაიმერის (შიდა გამოკითხვის) წესით შეირჩა.

პარტიის თავმჯდომარის პოსტზე მხოლოდ დავით გოგისვანიძის კანდიდატურა იყო წარდგენილი.

"ეს არის ახლადშექმნილი პარტიის პირველი კონფერენცია. შეფასდა ადგილობრივი თვითმმართველობის არჩევნების შედეგები. ასევე, ქუთაისისათვის განკუთვნილი კვოტის თანახმად, შეირჩა პოლიტსაბჭოს წევრობის კანდიდატურა,"-განაცხადა გოგისვანიძემ.

კონფერენციას "ევროპული საქართველოს" ლიდერები დავით ბაქრაძე, ელენე ხოშტარია და გიგი წერეთელი ესწრებოდნენ.

გიგი წერეთელმა პარტიის ქუთაისის ოფისში შეკრებილ მხარდამჭერებს არჩევნებზე აქტიურობისათვის მადლობა გადაუხადა და საქალაქო ორგანიზაციის თავმჯდომარის არჩევის მნიშვნელობაზეც ისაუბრა.

"ვფიქრობთ, ეს იქნება წინგადადგმული ნაბიჯი ქუთაისის ორგანიზაციის გასაძლიერებლად. ჩვენ, როგორც პარტია, შიდადემოკრატიის პრინციპს ვეყრდნობით. მნიშვნელოვანია, რომ პარტიის რეგიონული ლიდერები ჩვენი ორგანიზაციის მიერ მხარდაჭერილნი იყვნენ. ჩემთვის ქუთაისში ის კანდიდატი იქნება მისაღები, ვისაც ქუთაისელები მიიღებენ,"-განაცხადა ბაქრაძემ.

"ევროპული საქართველოს" ერთ-ერთი ლიდერის, ელენე ხოშტარიას თქმით, პარტიის საქალაქო ორგანიზაციების თავმჯდომარეები მხოლოდ ხალხის გადაწყვეტილების საფუძველზე ირჩევა.

"ევროპული საქართველო" ყველას ანახებს მაგალითს, რომ პარტია არა კონკრეტული პირების ფუფუნებისთვისაა შექმნილი, არამედ დაფუძნებულია ხალხის გადაწყვეტილებაზე. ყველა თავმჯდომარეს უნდა ესმოდეს, რომ ისინი ხალხისგან იღებენ ნდობას, რომელიც უნდა გაამართლონ და რომლის მიხედვითაც გადაწყდება მათი პოლიტიკური მომავალი,"-განაცხადა ხოშტარიამ.

დავით გოგისვანიძის არჩევამდე, პარტიის ქუთაისის ორგანიზაციის თავმჯდომარის მოვალეობას გია თევდორაძე ასრულებდა.


FaceBook Twitter Google
ამავე კატეგორიაში
ქუთაისში ელექტრომობილების საწარმოს მშენებლობის პროექტის
20:34 / 20.06.2019
ქუთაისში ელექტრომობილების საწარმოს მშენებლობის პროექტის
ქუთაისში, მესხიშვილის ტეატრის წინ რუსეთის წინააღმდეგ
18:39 / 20.06.2019
ქუთაისში, მესხიშვილის ტეატრის წინ რუსეთის წინააღმდეგ
ქუთაისის მაჟორიტარი დეპუტატი გენადი მარგველაშვილი სხელმწიფო
18:26 / 20.06.2019
ქუთაისის მაჟორიტარი დეპუტატი გენადი მარგველაშვილი სხელმწიფო
ვალუტა
EUR
EUR
3.0701
TRY
TRY
0.5084
USD
USD
2.6940
«« ივნისი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
თბილისი 19 - 32 °C
img
ქუთაისი 20 - 34 °C
img
ბათუმი 22 - 26 °C
img
პოპულარული - ბოლო 30 დღის
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა.
08:26 / 18.06.2019
ქუთაისში ოლიმპიური სტანდარტების აუზის პროექტირებაზე ტენდერი კვლავ გამოცხადდება
ქუთაისში ოლიმპიური სტანდარტების აუზის მშენებლობის პროექტირებაზე
17:36 / 28.05.2019
"საქართველო არასოდეს შეეგუება რუსულ ოკუპაციას" - ქუთაისელი ოფიცრის გზავნილი აშშ-დან
ამერიკის შეერთებულ შტატებში, ფილადელფიის მერიისა და აშშ-ში საქართველოს საელჩოს ორგანიზებით,
15:48 / 05.06.2019
ვარციხის სკოლის პედაგოგი პროექტის „მასწავლებელი – მეგზური ევროპისკენ“ გამარჯვებულია
ვარციხის საჯარო სკოლის სამოქალაქო განათლების პედაგოგი ნანა მარღანია პროექტის,
13:35 / 28.05.2019