“ჩვენ ვთლით, რომ
ივანიშვილის მიერ შექმნილ თამაშში მონაწილეობას აზრი არ აქვს”,- ასე ხსნიან “ნაციონალური მოძრაობის” ქუთაისის ორგანიზაციის წევრები თავიანთ გადაწყვეტილებას მეორე ტურში მონაწილეობაზე უარის თქმასთან დაკავშირებით.
გიგა შუშანია ამბობს, რომ არჩევნების საბოლოო შედეგებისთვის ლეგიტიმაციის მინიჭებას არ აპირებენ. ” ბიძინა ივანიშვილის მიერ შექმნილ თამაშში მონაწილეობას აზრი არ აქვს. არ ვაპირებთ ლეგიტიმაცია მივცეთ საბოლოო შედეგებს. აქედან გამომდინარე მივიღეთ გადაწყვეტილება და მეორე ტურს ბოიკოტი გამოვუცხადეთ”, – ამბობს გიგა შუშანია.
კითხვაზე, ხომ არ აპირებენ “ნაციონალურ მოძრაობაში” უარი თქვან საკრებულოს მანდატებზე?- გიგა შუშანია გვპასუხობს:
“რაც შეეხება საკრებულოებს, ჩვენ ვიქნებით საკრებულოებში, პარლამენტშიც და ქუჩაშიც. კონსტიტუციით მონიჭებულ ყველა უფლებას გამოვიყენებთ, რათა მთავარი ამოცანა. ამ ხელისუფლების გაშვება უმოკლეს ვადებში უზრუნველვყოთ”,- განაცხადა გიგა შუშანიამ.
ქუთაისში, ახალ საკრებულოში, “ნაციონალური მოძრაობიდან, სავარაუდოდ, ბესიკ ბრეგაძე, გიორგი უკლება, ვლადიმერ კლდიაშვილი და გრიგოლ შუშანია მოხვდებიან.