პოლიტიკა
სამოქალაქო საზოგადოება არჩევნების მეორე ტურთან დაკავშირებით მიმართვას ავრცელებს
სამოქალაქო საზოგადოება არჩევნების
მეორე ტურთან დაკავშირებით მიმართვას ავრცელებს. მიმართვის ავტორები განცადებაში "ქართული ოცნების" მხრიდან საკონსტიტუციო უმრავლესობის მოპოვებაზე ამახვილებენ ყურადღებას და მიიჩნევენ, რომ არსებობს საშიშროება, ქვეყანამ დემოკრატიული პრინციპებიდან გადაუხვიოს.ისინი ამომრჩველეს არჩევნებში ოპოზიციური პარტიების მხარდაჭერისკენ მოუწოდებენ. გთავაზობთ მიმართვის ტექსტს:

"საქართველოს რესპუბლიკურ პარტიას,
ირაკლი ალასანია - თავისუფალ დემოკრატებს,
ახალ პოლიტიკურ ცენტრს - გირჩი,
პაატა ბურჭულაძე - სახელმწიფო ხალხისთვის,ახალ მემარჯვენეებს,
ერთიან ნაციონალურ მოძრაობას,
პოლიტიკურ პლატფორმას - ახალი საქართველო,
საქართველოს ლეიბორისტულ პარტიას

მიმართვა

"არჩევნების პირველი ტურის შემდეგ ცალსახად გამოიკვეთა ერთი პოლიტიკური პარტიის მიერ ქვეყნის საკანონმდებლო ორგანოში საკონსტიტუციო უმრავლესობის მოპოვების პერსპექტივა, რამაც შესაძლოა მნიშვნელოვნად დააზიანოს დემოკრატიული პროცესი. თქვენ ყველაზე კარგად მოგეხსენებათ, რა სავალალო შედეგები მოუტანა ქვეყანას 2008 წლის მოწვევის პარლამენტში საკონსტიტუციო უმრავლესობის ერთი პარტიის ხელში აღმოჩენამ. ეს გამოწვევები კიდევ უფრო ძლიერდება მმართველი პარტიის მიერ უკვე დაანონსებული საკონსტიტუციო ცვლილებების ფონზე.
"საკონსტიტუციო უმრავლესობა შესაძლებლობას აძლევს მმართველ პარტიას შეცვალოს კონსტიტუცია და დაარღვიოს სახელისუფლებო შტოებს შორის ძალთა ბალანსი. პარტია "ქართული ოცნების" წარმომადგენლების მხრიდან უკვე გაჟღერდა მინიშნებები პრეზიდენტის პირდაპირი არჩევის წესის გაუქმებისა და მისი უფლებამოსილების შეკვეცის შესახებ, რამაც შესაძლოა, გზა გაუხსნას პარლამენტში საკონსტიტუციო უმრავლესობით წარმოდგენილი პარტიის ერთპიროვნულ მმართველობას, გადაიყვანოს ქვეყანა დემოკრატიული განვითარების გზიდან და დააკარგვინოს ის მონაპოვარი, რაც ჩვენმა ქვეყანამ 2012 წელს ხელისუფლების არჩევნების გზით გადაბარების სახით მოიპოვა.
"ჩვენს ქვეყანას უკვე აქვს გამოცდილება, რომ ერთი პარტიის ხელში თავმოყრილი საკონსტიტუციო უმრავლესობა გამორიცხავს სახელმწიფოებრივად უმნიშვნელოვანეს საშინაო თუ საგარეო საკითხებზე დანარჩენ პოლიტიკურ სპექტრთან კონსულტაციების, კონსენსუსისა და დიალოგის შესაძლებლობებს.
"ერთი პარტიის ხელში საკონსტიტუციო უმრავლესობის თავმოყრა გზას უხსნის იმ რეალობას, რომელიც გვეგონა, რომ ჩვენმა ქვეყანამ განვითარების ბოლო 25 წლის მანძლზე უკან მოიტოვა. ნუ დავბრუნდებით წარსულში!
"ჩვენ ვაცნობიებთ, რომ უაღრესად მნიშვნელოვანია, არსებულ სიტუაციაში საზოგადოებამ არჩევნების მეორე ტურში პოლიტიკურ ძალთა ბალანსის პრინციპით იხელმძღვანელოს. მოგმართავთ თქვენ, როგორც ქართულ პოლიტიკაში წარმოდგენილ პროდასავლურ პარტიებს, რომელთათვისაც, გვჯერა, ღირებულია ქვეყნის განვითარების ევრო-ატლანტიკური ვექტორი და ლიბერალური დემოკრატიის ღირებულებები, გამოიჩინოთ პოლიტიკური კეთილგონიერება, აარიდოთ ქვეყანას დაუბალანსებელი, ერთპარტიული მმართველობის საშიშროება და მოუწოდოთ თქვენს მხარდამჭერებს მმართველი პარტიის საკონსტიტუციო უმრავლესობის თავიდან ასაცილებლად, არჩევნების მეორე ტურში, არჩევანი ოპოზიციის კანდიდატების სასარგებლოდ გააკეთონ. გვჯერა, რომ ქვეყნის განვითარების ამ მნიშვნელოვან ეტაპზე ქართველი პოლიტიკოსები იხელმძღვანელებთ რაციონალიზმის და არა პარტიული დაპირისპირების პრინციპით", - ნათქვამია მიომართვის ტექსტში.

მიმართვას ხელს აწერენ:გურჩიანი თამარ, ბუღაძე ლაშა, ბასილაია-შავგულიძე ლიკა, მშვენიერაძე გიორგი, ფერაძე ნატა, ტანგიაშვილი ნოდარ, კაკაბაძე ნინია, ელისაშვილი ცირა, დანელია ნინო, შამუგია პაატა, ბუხრიკიძე დავით, ცოფურაშვილი თათა, ჭითანავა ეკა, თაბაგარი გიორგი, პატარაია ბაია, ხატიაშვილი თეო, ნონიაშვილი გიორგი, ხოშტარია გოგი, ფანცულაია ნანა, მინდიაშვილი ბექა, ცინცაძე ნინო, დევდარიანი ქეთი, ეძგვერაძე გია, კიკნაველიძე ირაკლი, გურული მაგდა, ზაუტაშვილი ილიკო, ცეცხლაძე ნიკო, კორძაია-სამადაშვილი ანა, ჯაფარიძე მამუკა, ჯიბუტი სოფო მანჩხაშვილი ნოდარ, ბაბუნაშვილი ვახო, მშვილდაძე მიშა, ბასილაია მერაბ, ჟვანია ანა, საღინაძე ირაკლი, გულედანი აჩიკო, უგულავა სალომე, ქავთარაძე გოგი, აბაშიძე ზაზა, ღავთაძე მაკო, ჩხიკვაძე ანა, ხონელიძე ლელა, გელავა სოფო, თურმანიძე თორნიკე.

FaceBook Twitter Google
ამავე კატეგორიაში
ქუთაისში ელექტრომობილების საწარმოს მშენებლობის პროექტის
20:34 / 20.06.2019
ქუთაისში ელექტრომობილების საწარმოს მშენებლობის პროექტის
ქუთაისში, მესხიშვილის ტეატრის წინ რუსეთის წინააღმდეგ
18:39 / 20.06.2019
ქუთაისში, მესხიშვილის ტეატრის წინ რუსეთის წინააღმდეგ
ქუთაისის მაჟორიტარი დეპუტატი გენადი მარგველაშვილი სხელმწიფო
18:26 / 20.06.2019
ქუთაისის მაჟორიტარი დეპუტატი გენადი მარგველაშვილი სხელმწიფო
ვალუტა
EUR
EUR
3.0701
TRY
TRY
0.5084
USD
USD
2.6940
«« ივნისი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
თბილისი 19 - 32 °C
img
ქუთაისი 20 - 34 °C
img
ბათუმი 22 - 26 °C
img
პოპულარული - ბოლო 30 დღის
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა.
08:26 / 18.06.2019
ქუთაისში ოლიმპიური სტანდარტების აუზის პროექტირებაზე ტენდერი კვლავ გამოცხადდება
ქუთაისში ოლიმპიური სტანდარტების აუზის მშენებლობის პროექტირებაზე
17:36 / 28.05.2019
"საქართველო არასოდეს შეეგუება რუსულ ოკუპაციას" - ქუთაისელი ოფიცრის გზავნილი აშშ-დან
ამერიკის შეერთებულ შტატებში, ფილადელფიის მერიისა და აშშ-ში საქართველოს საელჩოს ორგანიზებით,
15:48 / 05.06.2019
ვარციხის სკოლის პედაგოგი პროექტის „მასწავლებელი – მეგზური ევროპისკენ“ გამარჯვებულია
ვარციხის საჯარო სკოლის სამოქალაქო განათლების პედაგოგი ნანა მარღანია პროექტის,
13:35 / 28.05.2019