თურქეთში ძლიერი მიწისძვრის შედეგად დაღუპულთა რიცხვმა 6000-ს გადააჭარბა, 37000-ზე მეტი დაშავდა, – ამის შესახებ თურქეთის კატასტროფებისა და საგანგებო სიტუაციების მართვის დეპარტამენტში განაცხადეს.
6 თებერვალს, გამთენიისას, თურქეთის პროვინცია კაჰრამანმარასში 7,7 მაგნიტუდის მიწისძვრა მოხდა. პრეზიდენტის რეჯეფ თაიფ ერდოღანის თქმით, ეს იყო ყველაზე ძლიერი მიწისძვრა 1939 წლის შემდეგ.
დაზარალებულ ათ პროვინციაში ათასობით სახლი დაინგრა და საგანგებო მდგომარეობა გამოცხადდა.
გარდა ამისა, მიწისძვრა დაფიქსირდა სირიის პროვინციებში: ალეპო, ლატაკია, ჰამა და ტარტუსი. 1200-ზე მეტი ადამიანი დაიღუპა, დაახლოებით ორი ათასი დაშავდა.