კულტურა
"აფინაჟი" - ახალი ლიტერატურული ჟურნალი ქუთაისში
ქუთაისში კიდევ ერთი ლიტერატურული ჟურნალი "აფინაჟი" გამოვიდა. მისი მთავარი დევიზია: ,,ხელოვნება, როგორც მეცნიერებისა და ლიტერატურის სინთეზი". ჟურნალის მთვარი რედაქტორი ლევან გოგაბერიშვილია. 

" ბოლო 4 თვე ამ პროექტის განხორციელებაზე ვფიქრობდი. დღეს საქართველოში ჟურნალ-გაზეთების ნაკლებობას არ განიცდის საზოგადოება, თუმცა ჟურნალი, რომელიც მეცნიერულ-ლიტერატურულ ტექსტებს გააერთიანებს, მეცნიერებსა და ლიტერატორებს დააკავშირებს, დააკავშირებს ნიჭიერ ახალგაზრდებსა და გამოცდილ, ცნობილ მწერლებსა და მეცნიერებს, - რამდენიმე თუ მოიძებნება."- ამბობს ჟურნალის მთავარი რედაქტორი ლევან გოგაბერიშვილი. 

ჟურნალზე სხვადასხვა პროფესიისა და ინტერესების მქონე ადამიანები მუშაობენ. მეტაფიზიკოსი ფილოსოფოსი თორნიკე ფახურიძე, ისტორიკოსი დავით კაკაურიძე, მხატვარი ელგუჯა ბერიშილი, მათემატიკოსი და პოეტი ირაკლი ჯაფარიძე,პოსტმოდერნისტი ფილოსოფოსი შოთა ზივზივაძე, ფილოსოფოსი გივი მეფარიშვილი, მოჭადრაკე ლადო ჯაფარიძე, აღმოსავლეთმცოდნე შოთა ტოგონიძე, მოჭადრაკე ფრიდონ, ეკონომისტი გიორგი გურგენიძე, ეგზისტენციალისტი ფილოსოფოსი ნოდარ თუთბერიძე, ეკოლოგი ირაკლი გოგაბერიშვილი, იურისტი და პოეტი ბექა ფოცხვერია. 

"კოლეგიის საპატიო წევრებს წარდგენა არ სჭირდებათ, თითოეული თქვენგანი იცნობთ ამ ადამიანებს: თეიმურაზ ლანჩავა, რობერტ გოლეთიანი, ავთანდილ ნიკოლეიშვილი, ოთარ ჭუმბურიძე, რენიკო საკანდელიძე, იზოლდა რუსაძე, ირმა ქურასბედიანი, ბადრი ინაშაური (სვანაძე), ჯონი გოგაბერიშვილი, გია ხოფერია, დემურ მიქაძე. მე მათ მადლობას ვუხდი გვერდით დგომისათვის! ასევე, მადლობას ვუხდი ქალაქ ქუთაისის მერიას და ბატონ გიორგი ჭიღვარიას მხარდაჭერისათვის."- ამბობს ლევან გოგაბერიშვილი. 

"ყველაფერი ოდესღაც დაიწყო. ჩვენი ჟურნალი პირველ ნაბიჯებს დგამს და დარწმუნებული ვარ, რომ მომავალი პროცესებიც ჯანსაღად გაგრძელდება. აზრთა სხვადასხვაობით შევქმნით საინტერესო ფონს და ჭეშმარიტების ძიების ფარგლებს კიდევ უფრო გავაფართოვებთ. რადგან გონება არ ემორჩილება ფაქტობრივ გარემოებებს, ჩვენ უარვყოფთ ფაქტის მნიშვნელობას და მივილტვით ინტერპრეტაციისაკენ, რაც ყოველ ნაბიჯზე გვაძლევინებს დაბრკოლებებს. ჟურნალი ,,აფინაჟი" დიდ ისტორიას დაწერს. " -  ამბობს რედკოლეგიის წევრი თორნიკე ფახურიძე.

ისტორიკოს დავით კაკაურიძის განცხადებით, რომელიც ასევე რედკოლეგიის წევრია, ამ ჟურნალში ერთიანდება კლასიკური, მოდერნისტული და პოსტმოდერნისტული ტექსტები. ეს განსხვავებული სიტყვაა ქართულ რეალობაში.

"ჩვენ შეგვიძლია ვნახოთ თითოეული ზემოთ ჩამოთვლილი მიმდინარეობის ხოტბა ამა თუ იმ ჟურნალში, მაგრამ ფაქტობრივად არ გვხვდება ჟურნალი, რომელიც ამ აზრთა ომს ერთ სივრცეში გვთავაზობს. ჩვენ ვამსხვრევთ მახინჯ სისტემებს და მოვდივართ ინოვაციური ხედვებით. აზრთა სხვადასხვაობის მნიშვნელობაზე ვამახვილებთ ყურადღებას და არ გამოვდივართ ცენზორის როლში, არ ვირგებთ ჩვენს გემოვნებაზე ჟურნალში დაბეჭდილ მასალებს... ამით საზოგადოებას ვაძლევთ არჩევანის გაკეთების უფლებას. ყოველ აზრს აქვს არსებობის უფლება, რა საკვირველია, ,,აზრში" არ ვგულისხმობ ყოველ ბანალურ ფიქრს, რაც შეიძლება ადამიანს თავში მოუვიდეს; აზრი, - ეს თავის არსში მოწესრიგებული ფიქრი და გამოხატული განსჯაა. ჩვენი ჟურნალი ,,აფინაჟი" საუკუნეთა კარიბჭეებს დაამსხვრევს და ჩვენი სახელების უკვდავყოფაც გარდაუვალია. ალბათ ეს არის არსებობის საზრისი."- აცხადებს დავით კაკაურიძე.

ჟურნალი "აფინაჟი" სამ თვეში ერთხელ გამოვა.
FaceBook Twitter Google
ამავე კატეგორიაში
დიზაინერი ელისო გეგენავა სხვადასხვა სახის აქსესუარებს
18:14 / 17.04.2019
დიზაინერი ელისო გეგენავა სხვადასხვა სახის აქსესუარებს
ქუთაისში, ამერიკულ კუთხეში მსოფლიო კინოს 5-დღიან შემეცნებითი
პროგრამა მიმდინარეობს.
17:59 / 17.04.2019
ქუთაისში, ამერიკულ კუთხეში მსოფლიო კინოს 5-დღიან შემეცნებითი პროგრამა მიმდინარეობს.
16:21 / 17.04.2019
"მემეგობრე შენც" - ქუთაისის ახალგაზრდული ცენტრის სამხატვრო სკოლის მოსწავლეები სასკოლო ბულინგის შესახებ
ბერლინის კინოაკადემიის ქართველი სტუდენტები ქუთაისში ფილმს იღებენ.
23:51 / 15.04.2019
ბერლინის კინოაკადემიის ქართველი სტუდენტები ქუთაისში ფილმს იღებენ.
ცისანა გიორგაძე ლასკალას აკადემიაში 8 თვეა სწავლობს.
15:08 / 15.04.2019
ცისანა გიორგაძე ლასკალას აკადემიაში 8 თვეა სწავლობს.
ვალუტა
EUR
EUR
3.0701
TRY
TRY
0.5084
USD
USD
2.6940
ამინდი
თბილისი 4 - 8 °C
img
ქუთაისი 4 - 17 °C
img
ბათუმი 8 - 10 °C
img
პოპულარული - ბოლო 30 დღის
ქუთაისელი ცისანა გიორგაძე ლასკალას აკადემიის სტუდენტი გახდა
ცისანა გიორგაძე ლასკალას აკადემიაში 8 თვეა სწავლობს.
15:08 / 15.04.2019
"ერთად გავუფრთხილდეთ გულს და გონებას"-აქცია ქუთაისში
7 აპრილს, ქუთაისის ცენტრალურ ბულვარში, სამედიცინო კორპორაცია ევექსისა და აკ. ზ. ცხაკაიას სახ. დასავლეთ საქართველოს ინტერვენციული მედიცინის
20:16 / 05.04.2019
"ქუთაისში ნიჭიერი სილამაზე დავინახე"-ოლგა ბაბლუანი
ქუთაისი  განსხვავებული ისტორიებით, ადამიანებით, დამოკიდებულებებითა და "ნიჭიერი სილამაზით"-ოლგა ბაბლუანის საავტორო გადაცემაში
18:21 / 15.04.2019
PBL - ანუ როგორ უნდა იგრძნო თავი ექიმად პირველივე კურსიდან
ერთიან ეროვნულ გამოცდებზე რეგისტრაცია აბიტურიენტებმა
22:31 / 17.04.2019