ქუთაისში კოვიდ 19-ის წინააღმდეგ ვაქცინაციის
პროცესი გრძელდება. დღეს ვაქცინაციის მეორე დღეა. როგორც დაავადებათა კონტროლის ეროვნული ცენტრის იმერეთის სამმართველოს ხელმძღვანელი გოჩა გიორგიძე ამბობს, ამ დროისთვის ვაქცინა დღეს 30-მდე ადამიანმა გაიკეთა.
“მიმდინარეობს მონაცემების დაზუსტება, რამდენი პაციენტია რეგისტრირებული. აქტივობა ნორმალურია. არანაირი შეფერხებები არ გვაქვს. არ არის პრობლემები,”-განაცხადა გოჩა გიორგიძემ.
პირველ ეტაპზე ვაქცინაცია სამედიცინო პერსონალს უტარდება.
“ასტრაზენკას” ვაქცინა დაავადებათა კონტროლის იმერეთის სამმართველოში 13 მარტს მიიტანეს. მიტანილ ვაქცინას შორის იმერეთისთვის 5 550 დოზაა გამოყოფილი.
ვაქცინაცია იმ ცენტრებში ჩატარდება, რომლებიც რეგისტრირებულია ვაქცინაციის მიმწოდებელ ცენტრებად.
სულ საქართველომ ჯამში 43 200 დოზა ვაქცინა მიიღო.