სპორტი
2018 წლის რაგბის სანაკრებო სეზონი ქუთაისში გაიხსნა
2017 წელს ქუთაისის "აია არენამ" პირველად უმასპინძლა საერთაშორის ტურნირს, რის შემდეგაც გამოჩნდა, რომ ქალაქი მზად იყო ასეთი დონის მატჩების გასამართად. ამიტომ, 2018 წლის სარაგბო სეზონი ევროპულ ასპარეზზე სწორედ ქუთაისში გაიხსნა და საქართველოს ნაკრებმა 2005 წლის შემდეგ პირველად ითამაშა ქუთაისური პუბლიკის წინაშე.

დღევანდელი მატჩში საქართველო ბელგიის ეროვნულ ნაკრებს დაუპირისპირდა, ამ დაპირისპირების უდავო ფავორიტი თამაშამდე რა თქმა უნდა საქართველოს ნაკრები იყო. “აია არენაზე“ შესანიშნავი სარაგბო ამინდი იდგა, რასაც დაერთო 4700 კაციან ტრიბუნაზე სრული ანშლაგი.

მატჩისათვის მილტონ ჰეიგმა შემდეგი 15-ეული გამოარჩია: ზურაბ ჟვანია, შალვა მამუკაშვილი, ლევან ჩილაჩავა, გიორგი ნემსაძე (კაპიტანი), ნოდარ ჭეიშვილი, ლაშა ლომიძე, კოკი თხაილიშვილი, ოთარ გიორგაძე, გელა აფრასიძე, რეზი ჯინჭველაშვილი, დავით კაჭარავა, გიორგი კვესელძე, სანდრო თოდუა და გიორგი ფრუიძე.

აღსანიშნავია, რომ სასტარტო შემადგენლობაში 5 საკმაოდ ახალბედა მორაგბე იდგა, თამაში ოთხმა ქუთაისელმა დაიწყო, ხოლო ნემსაძემ პირველად უკაპიტნა საკუთარ ნაკრებს, თავისსავე მშობლიურ ქალაქში.

თამაში მშვიდად დაიწყო და ბოლომდე ასე გაგრძელდა, ქართველი მორაგბეები შანსს არ აძლევდნენ ბელგიელებს, რაც შედეგზეც აისახა 47:0.

საქართველოს ნაკრების შემადგენლობიდან პირველ ტაიმში ლელოების გატანა ლევან ჩილაჩავამ, შალვა მამუკაშვილმა, ზურაბ ჟვანიამ და ბექა წიკლაურმა შეძლეს. ოთხივე გარდასახვა წიკლაურმა ზუსტად შეასრულა.

მეორე ნახევარში "ბორჯღალოსნებმა" კიდევ სამი ლელო გაიტანეს. ლელოები უკანახაზელებმა გიორგი ფრუიძემ, სანდრო თოდუამ და ანზორ სიჭინავამ შეასრულეს, ორი გარდასახვა წიკლაურმა უზრუნველყო

თამაშით, შედეგითა და "აია არენაზე" შექმნილი ატმოსფეროთი კმაყოფილი დარჩა მილტონ ჰეიგი:

"ანგარიშით და თამაშით კმაყოფილი ვარ. ქუთაისში კარგი გარემო იყო და შევძელით თვალწარმტაცი რაგბის თამაში. იყო რაღაც დეტალები, რის გამოსწორებაზეც მომდევნო კვირაში ვიმუშავებთ და მოვემზადებით გერმანიასთან სათამაშოდ. მინდა დიდი მადლობა გადავუხადო ყველას, ვინც იზრუნა რომ ეს თამაში ქუთაისში გამართულიყო. ასევე ქომაგებს, რომლებმაც ბოლომდე გაავსეს სტადიონი და გულიანად გვიგულშემატკივრეს.

გიორგი ნემსაძე:

"თამაში ისეთი ანგარიშით დასრულდა, არ შეიძლება კმაყოფილები არ ვიყოთ. ვითამაშეთ გაშლილად და ლელოების უმეტესობაც ფრთებიდან დავდეთ. მინდა მადლობა გადავუხადო ბიჭებს და ასევე იმ გულშემატკივარს, რომელიც მთელი სულით და გულით გვქომაგობდა მთელი თამაშის განმავლობაში. არ ვაკნინებ ბელგიას, რომ თითქოს მათ ვერაფერი შეძლეს, უბრალოდ ჩვენ მათ ჩვენი თამაშით არ მივეცით არაფრის გაკეთების შესაძლებლობა. შევუზღუდეთ სივრცეები და ფაქტობრივად ხაზი ვერ გაგვიჭრეს".
FaceBook Twitter Google
ამავე კატეგორიაში






საქართველოში ჯუნიორ NBA – GBF ლიგის მორიგი,
20:32 / 15.05.2018
საქართველოში ჯუნიორ NBA – GBF ლიგის მორიგი,






კრივში მსოფლიო ჩემპიონის, აკაკი კაკაურიძის ხსოვნისადმი
15:15 / 15.05.2018
კრივში მსოფლიო ჩემპიონის, აკაკი კაკაურიძის ხსოვნისადმი






ძალოსნობის საერთაშორისო ფედერაციის გადაწყვეტილებით,
15:40 / 08.05.2018
ძალოსნობის საერთაშორისო ფედერაციის გადაწყვეტილებით,






წყალტუბოელი იაკობ ქაჯაია ევროპის ჩემპიონატის
17:51 / 02.05.2018
წყალტუბოელი იაკობ ქაჯაია ევროპის ჩემპიონატის






ქუთაისის 21-ე საჯარო სკოლის მოსწავლეები
11:42 / 19.04.2018
ქუთაისის 21-ე საჯარო სკოლის მოსწავლეები
ახალი ამბები
იმერეთში, სოფლის მეურნეობის სფეროში, შესაძლოა, ჩინურმა მხარემ ინვესტიცია ჩადოს
13:19 / 22.05.2018
იმერეთის გუბერნიამ ჩინეთის ძიანსის პროვინციის დელეგაციას უმასპინძლა.
 შავი ზღვის კურორტზე ქუთაისის მერია წელს  270 ბენეფიციარს გაგზავნის
11:52 / 22.05.2018
შავი ზღვის კურორტზე ქუთაისის მერია 270 ბენეფიციარს
"მუხნარის ტყე კვდომას განიცდის"
00:00 / 22.05.2018
"თავისუფალი საქართველოს" იმერეთის ორგანიზაციის
"ჩატარებული რეორგანიზაციაც ზუსტად ამას ემსახურებოდა, რომ არ მომხდარიყო ფუნქციების დუბლირება"
14:33 / 21.05.2018
ქუთაისის მერიაში "ევროპული საქართველოს" ბრალდებებს უპასუხეს.
სპორტის ააიპისა და ირაკლი კიკვაძის დაპირისპირებაზე სასამართლო გადაწყვეტილებას 8 ივნისს გამოაცხადებს
14:52 / 15.05.2018
ქუთაისის საქალაქო სასამართლომ ააიპ "სპორტულ დაწესებულებათა გაერთიანების" წინააღმდეგ
წყალტუბოში სამოქალაქო ბიუჯეტირების იდეა წარადგინეს
18:18 / 12.05.2018
წყალტუბოს საკრებულოსთან არსებულ საზოგადოებრივი სარბაზის
"ქალაქის მერიამ ქონება იჯარით აუქციონის წესით უნდა გასცეს"
16:13 / 10.05.2018
ქუთაისის მერიამ 2017 წელს იჯარით 37 ქონება გასცა.
ვალუტა
EUR
EUR
2.8869
TRY
TRY
0.5319
USD
USD
2.4438
ამინდი
თბილისი 15 - 30 °C
img
ქუთაისი 16 - 29 °C
img
ბათუმი 18 - 23 °C
img