მართლმადიდებელი ეკლესია 27 სექტემბერს, ჯვართამაღლების დღესასწაულს ზეიმობს.
ჯვართამაღლების დღესასწაულთან დაკავშირებით, ტაძრებში წირვა მიმდინარეობს.
საეკლესიო გადმოცემის თანახმად, ჯვართამაღლება აღნიშნავს იმ დღეს, როდესაც რომის იმპერატორ კონსტანტინეს დედის, ელენე დედოფლის ბრძანებით – იერუსალიმის მახლობლად, დაახლოებით 335 წელს იპოვეს იესო ქრისტეს ჯვარი. ყველასათვის შესაძლებელი რომ ყოფილიყო ჯვრის ხილვა, იერუსალიმის პატრიარქმა მაკარიოსმა აღმართა ანუ აღამაღლა იგი. აქედან წარმოდგება დღესასწაულის სახელწოდება “ჯვართამაღლება”.