“გახდი ბესტსელერის ავტორის” გამარჯვებულები ქუთაისში
ჩამოვლენ. მკითხველს თათული ღვინიანიძე, ნიკოლოზ ტოტოღაშვილი და ნანი მანველიშვილი შეხვდებიან.
ნიკოლოზ ტოტოღაშვილი ლექსების კრებულს – “შავი ფურცელი” წარადგენს. დებიუტანტი ავტორი – ნანი მანველიშვილი კი წარადგენს რომანს – “ოდისევსის სინდრომი”, რომელიც აფხაზეთიდან დევნილობასა და ემიგრაციას ეხება.
სტუმრებს შესაძლებლობა ექნებათ, დაუსვან კითხვები ავტორებს, აიღონ მათგან ავტოგრაფები და გადაიღონ ფოტოები.
ღონისძიება 23 ნოემბერს, მესხიშვილის თეატრში, წიგნის ფესტივალის ფარგლებში, 17:00 საათზე გაიმართება.