საზოგადოება
დედამიწის მსოფლიო დღეს - უარი თქვი პლასტმასის ნარჩენებით გარემოს დაბინძურებაზე ქუთაისში!
22 აპრილს, დედამიწის მსოფლიო დღესთან დაკავშირებით, ევროკავშირის მიერ დაფინანსებული პროექტი "ნარჩენებისგან თავისუფალი მდინარეები - სუფთა შავი ზღვა" და ახალგაზრდა ევროპელი ელჩები იწვევენ ახალგაზრდებს მთელი საქართველოდან მონაწილეობის მისაღებად გაწმენდის აქციაში. ახალგაზრდა ევროპელი ელჩები - ინიციატივიანი მოხალისეები საქართველოდან - სტუდენტებთან, სკოლის მოსწავლეებთან და ადგილობრივ აქტივისტებთან ერთად პლასტმასის ნარჩენებისგან გაწმენდენ მდინარე რიონის ნაპირებს.

აქცია დაიწყება 12:00 საათზე რამდენიმე სხვადასხვა ადგილას - ქუთაისის ბოტანიკურ ბაღში, მუხნარის მუხის ტყეში, აკაკი წერეთლის სახელმწიფო უნივერსიტეტში (ახალგაზრდობის გამზირი #98). მიიღეთ მონაწილეობა აქციაში და შეიტანეთ წვლილი ქუთაისის პლასტმასის ნარჩენებისგან გასუფთავებაში!

ევროკავშირის მიერ დაფინანსებული პროექტი "ნარჩენებისგან თავისუფალი მდინარეები - სუფთა შავი ზღვა" წარმოადგენს მეორე გარემოსდაცვით ინიციატივას ქუთაისში, რომელიც განხორციელდა ევროკავშირის საზღვრისპირა თანამშრომლობის შავი ზღვის პროგრამით - ეს იყო პირველი პროექტი, რომელმაც წარმატებით დანერგა პლასტმასის სეპარაციის სისტემა ქალაქის დონეზე. ამჟამად ამ პროექტში მონაწილეობენ პარტნიორები საქართველოდან,
მოლდოვადან და რუმინეთიდან. პროექტის მიზანია პლასტმასის და სხვა ნარჩენების რაოდენობის შემცირება მდინარეებსა და შავ ზღვაში.

იმერეთის სამეცნიერო გაერთიანება "სპექტრის" აღმასრულებელი დირექტორი ქეთევან ცხაკაია განმარტავს: "ნარჩენები ძალიან აბინძურებს გარემოს. განსაკუთრებით დიდ პრობლემას წარმოადგენს პლასტიკით მდინარეების და ზღვის დაბინძურება, რადგან პლასტიკი ხანგრძლივად ინარჩუნებს მდგრადობას და დიდ საშიშროებას წარმოადგენს ცოცხალი ორგანიზმებისათვის, კერძოდ, წყლის ბინადრებისა და ფრინველებისათვის. მიკროპლასტიკი ასევე სახიფათოა ადამიანის ჯანმრთელობისათვის.

მეორეს მხრივ, პლასტიკის ნარჩენები მეორადი რესურსია, რომლის გადამუშავება იძლევა ბუნებრივი რესურსების რაციონალურად გამოყენების საშუალებას. ჩვენი პროექტი ხელს შეუწყობს ნარჩენების ისეთი სახეობების სეპარირების დანერგვას ქ. ქუთაისში, როგორიცაა პლასტიკი, ქაღალდი და მინა. გარდა ამისა, ქალაქ ფოთში 2019 წლის მაისიდან დაიწყება პლასტიკის სეპარირება. და რაც მთავარია, ქუთაისში შეიქმნება საკომპოსტე ცენტრი. ამ პროექტის განხორციელება ხელს შეუწყობს ევროკავშირის ნარჩენების მართვის გამოცდილების დანერგვას ჩვენს ქალაქებში".

ახალგაზრდა ევროპელი ელჩები ახალგაზრდა მოხალისეები არიან საქართველოდან, რომლებიც აქტიურად მონაწილეობენ ახალგაზრდობის, განათლების და გარემოსდაცვით საქმიანობაში. ახალგაზრდა ევროპელი ელჩები, უპირველეს ყოვლისა, არის ონლაინ პლატფორმა, რომელიც ხელს უწყობს მოსაზრებების და ინფორმაციის ურთიერთგაცვლას ევროკავშირის შესახებ, და ახალგაზრდების ჩართვას საინფორმაციო საქმიანობაში ადგილებზე. მისი ძირითადი ამოცანაა ადამიანებს შორის კონტაქტების დამყარება და დიალოგზე დაფუძნებული საქმიანობა, რომელიც ხელს შეუწყობს ევროკავშირის უკეთესად აღქმას და გაგებას, და მისი აღმოსავლეთ სამეზობლოსთან ურთიერთობის მეტად დაფასებას.



FaceBook Twitter Google
ამავე კატეგორიაში
ქუთაისის მერიის ზედამხედველობის სამსახურში აცხადებენ, რომ თეთრ
14:32 / 19.06.2019
ქუთაისის მერიის ზედამხედველობის სამსახურში აცხადებენ, რომ თეთრ
თეთრ ხიდზე მინა კვლავ დაზიანდა. არასამთავრობო
14:08 / 19.06.2019
თეთრ ხიდზე მინა კვლავ დაზიანდა. არასამთავრობო
ქუთაისში, მესამე საჯარო სკოლაში ხანძრის გაჩენის ფაქტზე
21:52 / 18.06.2019
ქუთაისში, მესამე საჯარო სკოლაში ხანძრის გაჩენის ფაქტზე
ხარაგაულში სტიქ​ია მესამედ განმეორდა.
21:42 / 18.06.2019
ხარაგაულში სტიქ​ია მესამედ განმეორდა.
17 ივნისს უხვად მოსული ნალექის გამო
18:11 / 18.06.2019
17 ივნისს უხვად მოსული ნალექის გამო
ვალუტა
EUR
EUR
3.0701
TRY
TRY
0.5084
USD
USD
2.6940
«« ივნისი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
თბილისი 18 - 29 °C
img
ქუთაისი 19 - 33 °C
img
ბათუმი 21 - 27 °C
img
პოპულარული - ბოლო 30 დღის
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა
ქუთაისში, სავარაუდოდ, ბუნებრივი აირის გაჟონვის შედეგად აფეთქება მოხდა.
08:26 / 18.06.2019
ქუთაისში ოლიმპიური სტანდარტების აუზის პროექტირებაზე ტენდერი კვლავ გამოცხადდება
ქუთაისში ოლიმპიური სტანდარტების აუზის მშენებლობის პროექტირებაზე
17:36 / 28.05.2019
ვარციხის სკოლის პედაგოგი პროექტის „მასწავლებელი – მეგზური ევროპისკენ“ გამარჯვებულია
ვარციხის საჯარო სკოლის სამოქალაქო განათლების პედაგოგი ნანა მარღანია პროექტის,
13:35 / 28.05.2019
"საქართველო არასოდეს შეეგუება რუსულ ოკუპაციას" - ქუთაისელი ოფიცრის გზავნილი აშშ-დან
ამერიკის შეერთებულ შტატებში, ფილადელფიის მერიისა და აშშ-ში საქართველოს საელჩოს ორგანიზებით,
15:48 / 05.06.2019