ქუთაისის საერთაშორისო აეროპორტი 2019 წლის იანვარის თვეში 55,895 მგზავრს მოემსახურა.
აეროპორტის ოფიციალურ გვერდზე გავრცელებულ განცხადებაში ნათქვამია, რომ აღნიშნული მაჩვენებელი წინა წლის ანალოგიურ პერიოდთან შედარებით 112%-ით მეტია.
“ზრდა ფიქსირდება შესრულებული რეისების კუთხითაც. 2019 წლის იანვარში დავით აღმაშენებლის სახელობის აეროპორტში 188 რეისი შესრულდა, რაც გასული წლის ანალოგიურ პერიოდზე 86-%-ით მეტია,”- წერია განცხადებაში.
შეგახსენებთ, რომ 1-ლი აგვისტოდან ქუთაისის საერთაშორისო აეროპორტიდან 6 ახალი ავიამიმართულება ემატება. ავიაკომპანია “ვიზეარი” ბაზელის, კოპენჰაგენის, ბრიუსელის, ტალინის, ეინდჰოვენისა და ბარის მიმართულებით მესამე ბაზირებული საჰაერო ხომალდით დაიწყებს ოპერირებას.