ბაღდათში, სოფელ ზეკარის მიმდებარე ტერიტორიაზე ტყეში გაჩენილი ხანძრის ჩაქრობა
ამ დრომდე ვერ ხერხდება. ქრობის პროცესში ჩართულია საგანგებო სიტუაციების მართვის სამსახურის 200 მეხანძრე-მაშველი. ადგილზე შექმნილია საგანგებო შტაბი.
იწვის შერეული ტყის ქვედა საფარი. წინასწარი ინფორმაციით, დამწვარია 5 ჰა ფართობი.
როგორც საგანგებო სიტუაციების მართვის სააგენტოში განაცხადეს, ხანძრის ჩაქრობა, სავარაუდოდ, დღის ბოლომდე მოხერხდება.
დასახლებულ ტერიტორიებზე ცეცხლის გავრცელების საშიშროება არ არსებობს.