შპს ,,ჯორჯიან მანგანეზი”-ს ჭიათურის სამთო-გამამდიდრებელი კომბინატის შუქრუთის

მაღაროს № 003 საწარმო უბნის ლავში, სამთო მასის ჩამოშლის შედეგად, 59 წლის გვირაბგამყვანი, გიორგი ლაბაძე დაშავდა, რომელმაც სხეულის მძიმე დაჟეჟილობა მიიღო. ინფორმაციას პროფკავშირები ავრცელებს.

შემთხვევა 12 ოქრომბერს, 05:00 საათზე მოხდა.

როგორც ირკვევა გიორგი ლაბაძე ლავში არ მუშაობდა და იმ დღეს სხვის მაგივრად იყო განაწილებული.

“აღსანიშნავია ისიც რომ, აღნიშნულ ობიექტზე დასაქმებულთა გადმოცემით, აღნიშნული ლავი მომეტებული საფრთხის მატარებელია. რამდენმე დღის წინ ამ ლავში სხეულის მსუბუქი დაზიანება მიიღო სკრეპერის მემანქანე გელა კვიჟინაძემ, რომელსაც ფეხზე ქვა დაეცა. მოპოვებული ინფორმაციის თანახმად, გიორგი ლაბაძის მკურნალობის პროცესი, სადაზღვევო კომპანია ,,უნისონი”-ს ფინანსური მონაწილეობით მიმდინარეობს,”-აცახდებენ პროფკავშირებში.

საქართველოს მეტალურგიული სამთო და ქიმიური მრეწველობის მუშაკთა პროფესიული კავშირი, კომპანიისგან ფაქტის კვლევის კომისიის შექმნას და მასში პროფკავშირის შრომის ტექნიკური ინსპექტორების ჩართვას ითხოვს.

დაშავებული საჩხერის საავადმყოფოში მკურნალობას ინტენსიური თერაპიის განყოფილებაში გადის.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *