საზოგადოება
"ეს საქმე ჩემი გამამართლებელი განაჩენით დასრულდება"-ირაკლი მერკვილაძე
ქუთაისის სააპელაციო სასამართლოში ქუთაისელი ექიმის ირაკლი მერკვილაძის საქმის განხილვა გრძელდება. დღევანდელ პროცესზე ბრალდებისა და დაცვის მხარეებმა დასკვნითი სიტყვა წაიკითხეს. მსჯავრდებულმა კი საბოლოო სიტყვა თქვა.

ირაკლი მერკვილაძის ადვოკატის ზაზა ხაჟალიას თქმით, საქალაქო სასამართლოს მოსამართლის ციცინო მოსიძის მიერ გამოტანილი განაჩენი დაუსაბუთებელია და მხოლოდ მსჯელობის სახითაა წარმოდგენილი. მისივე განმარტებით, საქმეში არ არსებობს მტკიცებულებები, რომლის მიხედვითაც ირაკლი მერკვილაძის პაციენტისადმი უყურადღებობა და მისი ბრალეულობა იკვეთება. ადვოკატის მტკიცებით, პაციენტმა საავადმყოფო თვითნებურად დატოვა. ხაჟალიას თქმით, საქმეში ბრალი ოჯახის წევრებსაც მიუძღვით, რომლებმაც გარდაცვლილი მატინოვას ჯანმრთელობის მდგომარეობისადმი უყურადღებობა გამოიჩინეს.

"საქმეში დაზარალების ნათესავების მხრიდან დაუდევრობა იკვეთება. რაც ირაკლი მერკვილაძის პატიმრობით არის გამოწვეული, ჩვენი ქვეყნის უბედურებაა. ეს არის ადამიანი, რომელიც ცდილობს მისი საქმე სრულყოფილებამდე მიიყვანოს. ბევრს გონია, ირაკლი მერკვილაძე პაციენტებს დაკარგავს, თუმცა ის რეპუტაციას მალევე აღიდგენს. ეს ნიჭი და უნარი ხალხის სამსახურში უნდა იყოს. სააპელაციო სასამართლომ დასაბუთებული გადაწყვეტილება უნდა მიიღოს,"-განაცხადა ზაზა ხაჟალიამ.

ბრალდების მხარის განცხადებით, ირაკლი მერკვილაძემ გარდაცვლილი ვიოლეტა მატინოვას ჯანმრთელობის მდგომარეობა სათანადოდ ვერ შეაფასა. როგორც ბრალდების მხარე განმარტავს, პაციენტს საავადმყოფო თვითნებურად არ დაუტოვებია.

"პაციენტის ჯანმრთელობის მდგომარეობის შესახებ დაცვის მხარის პოზიცია რამდენჯერმე შეიცვალა. ამბობდნენ, რომ მდგომარეობა საშუალო სიმძიმის იყო, თუმცა დაკითხული ექსპერტების თქმით, მდგომარეობა კრიტიკული იყო. იყო თუ არა ექიმის მიერ ჩატარებული მანიპულაციები არ ჩანს. დაცვის მხარე ცდილობს, გარემოებები მისთვის ხელსაყრელად წარმოაჩინოს,"-განაცხადა პროკურორმა.

პროცესზე ირაკლი მერკვილაძემ აღნიშნა, რომ პროკურატურის პოზიცია სუსტია და საქმე მის წინააღმდეგაა შეკერილი. მისივე თქმით, ექსპერტიზამ პაციენტის სიკვდილის მიზეზი ვერ დაადგინა.

"ეს არის ყოფილი პროკურორის მიერ შეკვეთილი საქმე. ბრალდების მხარეს ტრაგედიის გამოყენება უნდა. პირობას ვდებ, რომ შეწყალებას არ მოვითხოვ. ეს საქმე ჩემი გამამართლებელი განაჩენით დასრულდება. პირველი ინსტანციის სასამართლო დაავადებულია, გავიგებთ მეორე ინსტანციის სასამართლოსაც აქვს თუ არა დაავადება. პაციენტის გარდაცვალების მიზეზი დადგენილი არ არის. თურმე, სიკვდილის 3 მიზეზი ყოფილა. როგორ შეიძლება ადამიანის გარდაცვალების 3 მიზეზი არსებობდეს?,"- განაცხადა საბოლოო სიტყვაში ირაკლი მერკვილაძემ და აღნიშნა, რომ ექსპერტებმა გარდაცვლილის ორგანოები სათანადოდ არ გამოიკვლიეს და მათ ეროვნული პროტოკოლები არ დაიცვეს.

სააპელაციო სასამართლოს მოსამართლე თეიმურაზ სვანიძე განაჩენს 2 ივლისს, ორშაბათს  გამოაცხადებს.

ქუთაისის N2 ახალი სამშობიაროს მთავარმა ექიმმა ირაკლი მერკვილაძემ 22 წლის ვიოლეტა მატინოვას საკეისრო კვეთა 2013 წელს ჩაუტარა. პაციენტი ოპერაციიდან რამდენიმე დღეში გარდაიცვალა.

ირაკლი მერკვილაძეს ორწლიანი პატიმრობა აქვს მისჯილი.


FaceBook Twitter Google
ამავე კატეგორიაში
ქუთაისში
16:43 / 20.03.2019
ქუთაისში "მოსკოვის ლილიპუტების ცირკი" აღარ ჩამოვა.
ქუთაისში, რუსთაველის ხიდზე, დეკორატიული სვეტებისა და ორნამენტების
გაკეთება გადაიდო.
16:08 / 20.03.2019
ქუთაისში, რუსთაველის ხიდზე, დეკორატიული სვეტებისა და ორნამენტების გაკეთება გადაიდო.
როგორი იყო ქუთაისის ცენტრალური ბულვარი და ახლანდელი მერიის
მიმდებარე ტერიტორია.
17:24 / 19.03.2019
როგორი იყო ქუთაისის ცენტრალური ბულვარი და ახლანდელი მერიის მიმდებარე ტერიტორია.
ოკაცეს ჩანჩქერზე ზიპლაინი მოეწყობა. დაცული ტერიტორიების სააგენტომ
ელექტრონული
11:37 / 19.03.2019
ოკაცეს ჩანჩქერზე ზიპლაინი მოეწყობა. დაცული ტერიტორიების სააგენტომ ელექტრონული
ქუთაისში დევნილები დახმარებას ითხოვენ. ახალაშენებულ კორპუსში,
რომელშიც დევნილები
13:30 / 18.03.2019
ქუთაისში დევნილები დახმარებას ითხოვენ. ახალაშენებულ კორპუსში, რომელშიც დევნილები
ვალუტა
EUR
EUR
3.0701
TRY
TRY
0.5084
USD
USD
2.6940
«« მარტი  »»
25262728 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
თბილისი 2 - 14 °C
img
ქუთაისი 4 - 13 °C
img
ბათუმი 7 - 11 °C
img
პოპულარული - ბოლო 30 დღის
24 წლის ფერმერი ფერეთადან
ეს არის ამბავი ბიჭზე, რომელიც იმერეთში, ვანის მუნიციპალიტეტის სოფელ ფერეთაში ცხოვრობს.
14:21 / 26.02.2019
"ჯგუფი იქნება განახლებული შემადგენლობით"-ქუთაისში abba-ს კონცერტი გაიმართება
ქუთაისში abba-ს კონცერტი გაიმართება. აღნიშნულის შესახებ "კულტურის პალატის" თავმჯდომარემ დავით ოქიტაშვილმა განაცხადა.
13:21 / 08.03.2019
აკაკი წერეთლის სახელმწიფო უნივერსიტეტს ახალი რექტორი ჰყავს
აკაკი წერეთლის სახელმწიფო უნივერსიტეტს ახალი რექტორი ჰყავს. აკადემიურმა საბჭომ რექტორის
15:58 / 22.02.2019
"ხელისუფლებამ გადაწყვიტა, ჩვენ წინააღმდეგ სადამსჯელო ღონისძიება განახორციელოს"
ქუთაისის საქალაქო სასამართლოში "ევროპა ჩვენი სახლია"-ს ხელმძღვანელის გია გოქაძისა და ქუთაისის მერიის ზედამხედველობის სამსახურის
12:17 / 20.02.2019
ძილი და მისი მართვა
რამდენად მნიშვნელოვანის ადამიანისთვის ძილი და მისი მართვის ცოდნა? რა როლი აქვს ადამიანის ჯანმრთელობისთვის სწორ ძილს?
18:09 / 28.02.2019