საზოგადოება
ქუთაისის N2 დაწესებულებაში გადაღებულ კადრებზე შსს განცხადებას ავრცელებს
მე-12 არხმა ვიდეომასალა გაავრცელა, რომელშიც ხელვაჩაურის პოლიციის თანამშრომლების მიერ პატიმარზე ზეწოლაა ასახული.
ჩანაწერის მიხედვით ქმედება ქუთაისის ნომერ მეორე დაწესებულებაში ხდება. ხელვაჩაურის პოლიციის თანამშრომლები პატიმარს დნმ-ს ნიმუშის ჩაბარებას, ძალის გამოყენებით აიძულებენ.
გავრცელებულ ვიდეოსთან დაკავშირებით განცხადება გააკეთეს.

"საპროცესო მოქმედების მიმდინარეობა საგამოძიებო უწყების მიერ დაფიქსირებულ იქნა ვიდეოსაშუალებით, რომლის ჩანაწერიც მტკიცებულების სახით დაერთო სისხლის სამართლის საქმეს და კანონის მოთხოვნათა დაცვით, გამომძიებლის მიერ გადაეცა ბრალდებულის ადვოკატს.
საპროცესო მოქმედების მიმდინარეობისას გამოყენებულ იქნა მოსამართლის განჩინებით ნებადართული იძულების ის ზომა, რაც აუცილებელი იყო ბრალდებულის წინააღმდეგობის დასაძლევად და მისგან ოფლისა და ნერწყვის ნიმუშების ასაღებად.
გამოძიებით დადგენილია, რომ 2018 წლის 13 თებერვალს ბრალდებული ჯგუფურად თავს დაესხა ყ.თ.-ს და დ.თ.-ს, მათსავე საცხოვრებელ ბინაში, წებოვანი ლენტისა და ერთჯერადი ხელბორკილის გამოყენებით თავისუფლება აღუკვეთა დაზარალებულებს, ფიზიკურად იძალადა მათზე - ერთ-ერთ დაზარალებულს მუცლის არეში ცივი იარაღით ჭრილობა, ხოლო მეორეს - სახის არეში დაზიანებები მიაყენა, გაიტაცა ოქროს სამკაულები და ავტომანქანა.
დაზარალებულებმა ბრალდებული ამოიცნეს. ნ.გ.-მ უარი განაცხადა საგამოძიებო მოქმედებაში მონაწილეობაზე, რის გამოც ამოცნობები ფოტოსურათით ჩატარდა. ბრალდებულმა, ასევე, უარი განაცხადა მისგან დნმ-ის (ოფლისა და ნერწყვის) ნიმუშის აღებაზე, რის გამოც პროკურორმა სასამართლოს შუამდგომლობით მიმართა, ნიმუშის იძულებით აღების მიზნით განჩინების გაცემის თაობაზე.
ნიმუშის აღება სისხლის სამართლის კანონმდებლობით გათვალისწინებული საპროცესო მოქმედებაა, რომლის ჩატარების უფლებამოსილება, საქმის ფაქტობრივი გარემოებების დადგენის მიზნით, გააჩნია საგამოძიებო უწყებას. საქართველოს სისხლის სამართლის საპროცესო კოდექსი ითვალისწინებს ნიმუშის იძულებით აღების შესაძლებლობას სასამართლოს განჩინებით, თუ პირი უარს აცხადებს ნიმუშის ნებაყოფლობით აღებაზე. ამასთან, კანონი იძლევა საპროცესო მოქმედების ჩატარებისას წინააღმდეგობის დაძლევის მიზნით იძულების პროპორციული ზომების გამოყენების შესაძლებლობას.
ბრალდებულმა უარი განაცხადა ნიმუშის ნებაყოფლობით აღებაზე, რის გამოც მისგან დნმ-ის (ოფლის და ნერწყვის) ნიმუშის იძულებით აღება განხორციელდა სასამართლოს განჩინების საფუძველზე, ქალაქ ქუთაისის N2 საპყრობილეში. ამასთან, საპროცესო მოქმედების მიმდინარეობისას გამოყენებულ იქნა იძულების ის ზომა, რაც მოცემულ შემთხვევაში აუცილებელი იყო ბრალდებულის წინააღმდეგობის დასაძლევად.
ბრალდებულისგან ნიმუშის იძულებით აღების პროცედურა გამოძიების მწარმოებელი უწყების მიერ დაფიქსირებულ იქნა ვიდეოგადაღების საშუალებით, რომლის ჩანაწერიც დაერთო სისხლის სამართლის საქმეს და მტკიცებულებათა გაცვლის ეტაპზე, სხვა მტკიცებულებებთან ერთად, კანონის შესაბამისად, გამომძიებლის მიერ გადაეცა ბრალდებულის ადვოკატს.
საგამოძიებო უწყება მოქმედებდა კანონით მინიჭებული უფლებამოსილების ფარგლებში, სასამართლოს განჩინების საფუძველზე. ნიმუშის აღების ოქმისა და საპროცესო მოქმედების შედეგების, ისევე, როგორც სხვა მტკიცებულებების, დასაშვებობაზე მიმდინარე წლის 29 მაისს წინასასამართლო სხდომაზე იმსჯელებს მოსამართლე, რის შემდეგაც მიღებული იქნება შესაბამისი გადაწყვეტილება.
ნ.გ.-ს, ასევე, ბრალი ედება ნარკოტიკული საშუალების, ცეცხლსასროლი იარაღისა და საბრძოლო მასალის უკანონო შეძენა-შენახვაში. მისი პირადი და საცხოვრებელი ბინის ჩხრეკისას ამოღებულ იქნა ავტომატური ცეცხლსასროლი იარაღი 23 ვაზნით და საინექციო შპრიცში, გახსნილ მდგომარეობაში არსებული ნარკოტიკული საშუალება "სუბოქსინი".
გამოძიება საქართველოს სისხლის სამართლის კოდექსის 179-ე (ყაჩაღობა), 260-ე (ნარკოტიკული საშუალების უკანონო შეძენა-შენახვა) და 236-ე (ცეცხლსასროლი იარაღის მართლსაწინააღმდეგო შეძენა-შენახვა) მუხლებით მიმდინარეობს." - ანიშნულია განცხადებაში.



FaceBook Twitter Google
ამავე კატეგორიაში
ეს არის ამბავი 56 წლის ემზარ აფრიდონიძეზე.
16:49 / 20.04.2019
ეს არის ამბავი 56 წლის ემზარ აფრიდონიძეზე.
კლიმატის ცვლილების ჩარჩო კონვეციის თანახმად,
14:53 / 19.04.2019
კლიმატის ცვლილების ჩარჩო კონვეციის თანახმად,
ქუთაისში არსებული საზოგადოებრივი საპირფარეშოები, შესაძლოა,
მუნიციპალური განვითარების ფონდმა მოაწესრიგოს.
12:21 / 19.04.2019
ქუთაისში არსებული საზოგადოებრივი საპირფარეშოები, შესაძლოა, მუნიციპალური განვითარების ფონდმა მოაწესრიგოს.
ქუთაისში უპატრონო ძაღლთა რეგიონალური თავშესაფარი მოეწყობა.
22:10 / 18.04.2019
ქუთაისში უპატრონო ძაღლთა რეგიონალური თავშესაფარი მოეწყობა.
ხარაგაულში გუშინ, სტიქიის შედეგად წარმოქმნილი პრობლემები
აღმოფხვრილია.
13:05 / 18.04.2019
ხარაგაულში გუშინ, სტიქიის შედეგად წარმოქმნილი პრობლემები აღმოფხვრილია.
ვალუტა
EUR
EUR
3.0701
TRY
TRY
0.5084
USD
USD
2.6940
ამინდი
თბილისი 4 - 8 °C
img
ქუთაისი 4 - 17 °C
img
ბათუმი 8 - 10 °C
img
პოპულარული - ბოლო 30 დღის
ქუთაისელი ცისანა გიორგაძე ლასკალას აკადემიის სტუდენტი გახდა
ცისანა გიორგაძე ლასკალას აკადემიაში 8 თვეა სწავლობს.
15:08 / 15.04.2019
"ერთად გავუფრთხილდეთ გულს და გონებას"-აქცია ქუთაისში
7 აპრილს, ქუთაისის ცენტრალურ ბულვარში, სამედიცინო კორპორაცია ევექსისა და აკ. ზ. ცხაკაიას სახ. დასავლეთ საქართველოს ინტერვენციული მედიცინის
20:16 / 05.04.2019
"ქუთაისში ნიჭიერი სილამაზე დავინახე"-ოლგა ბაბლუანი
ქუთაისი  განსხვავებული ისტორიებით, ადამიანებით, დამოკიდებულებებითა და "ნიჭიერი სილამაზით"-ოლგა ბაბლუანის საავტორო გადაცემაში
18:21 / 15.04.2019
PBL - ანუ როგორ უნდა იგრძნო თავი ექიმად პირველივე კურსიდან
ერთიან ეროვნულ გამოცდებზე რეგისტრაცია აბიტურიენტებმა
22:31 / 17.04.2019