ქუთაისის მერია 2022 წლის მანძილზე მერიის მიერ გაწეული საქმიანობის შემაჯამებელი ვიდეო-რგოლის შესაქმნელად ტენდერს აცხადებს.

ტენდერის ღირებულება 16 ათას ლარს შეადგენს.

მიმწოდებელმა უნდა შექმნას 1 ვიდეო-რგოლი, არანაკლებ 3 წუთიანი ხანგრძლივობით. ასევე, სატენდერო პირობების მიხედვით, ვიდეო-რგოლი უნდა იყოს ინფორმაციული ხასიათის და ასახავდეს ქუთაისის მერიის მიერ
2022 წლის განმავლობაში გაწეული მუშაობის ძირითად ასპექტებს სხვადასხვა მიმართულებით-
ინფრასტრუქტურა, ჯანდაცვა და სოციალური პროგრამები, განათლება, კულტურა, სპორტი და ა.შ.

შექმნილი ვიდეო-რგოლები გახმოვანებული უნდა იყოს ქართულ ენაზე, უნდა ჰქონდეს ტიტრები
ქართულ და ინგლისურ ენებზე, ასევ თარგმანი ჟესტურ ენაზე.

ვიდეო-რგოლი ისეთი ფორმატით უნდა იყოს წარმოდგენილი, რომ შემსყიდველმა მათი
სხვადასხვა სოციალურ პლატფორმაზე განთავსება შეძლოს.

ვიდეო-რგოლის შექმნის პროცესში მიმწოდებელმა შემსყიდველთან უნდა შეათანხმოს:
სცენარი, რეჟისურა, ვიდეო კადრები, გრაფიკის არჩევა, ვიდეო-რგოლის ფორმატი, მონტაჟი, ფერთა კორექცია, მუსიკა და ხმოვანი ეფექტები.

გარდა ამისა, მიმწოდებელმა უნდა უზრუნველყოს სცენარის შექმნა, კადრების დამუშავება, არჩევა, გადაღების
პროცესის ორგანიზება, უშუალოდ დამკვეთთან შეთანხმებით.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *