შსს მოუწოდებს პოლიტიკურ ლიდერებსა და მოქალაქეებს, არ გასცდნენ მშვიდობიანი შეკრებისა და გამოხატვის კანონით დადგენილ ფარგლებს

შინაგან საქმეთა სამინისტრო დღეს დაგეგმილ აქციასთან დაკავშირებით განცხადებას ავრცელებს.

შსს-ს განცხადებით, უსაფრთხოების ზომებიდან გამომდინარე და მოვლენების ხელოვნურად ესკალაციის თავიდან არიდების მიზნით, შინაგან საქმეთა სამინისტროს თანამშრომლები დღევანდელ აქციაზე მობილიზებულები იქნებიან.

უწყება მოუწოდებს პოლიტიკურ ლიდერებსა და მოქალაქეებს, არ გასცდნენ მშვიდობიანი შეკრებისა და გამოხატვის კანონით დადგენილ ფარგლებს და დაიცვან საზოგადოებრივი წესრიგი. 

შინაგან საქმეთა სამინისტროს განცხადებით, კანონდარღვევის ფაქტებზე იქნება შესაბამისი სამართლებრივი რეაგირება და ყველა ასეთი ფაქტი იქნება აღკვეთილი პოლიციის მხრიდან. 

“როგორც საზოგადოებისთვის ცნობილია, თბილისში, მიმდინარე წლის 8 ნოემბერს, 20:00 საათზე თავისუფლების მოედანზე დაგეგმილია საპროტესტო აქცია.
შინაგან საქმეთა სამინისტროს თანამშრომლები უსაფრთხოების ზომებიდან გამომდინარე და მოვლენების ხელოვნურად ესკალაციის თავიდან არიდების მიზნით, დედაქალაქში მობილიზებული იქნებიან და საზოგადოებრივ წესრიგს დაიცავენ.
შინაგან საქმეთა სამინისტრო იცავს ჩვენი მოქალაქეების საქართველოს კონსტიტუციით გარანტირებულ მშვიდობიანი შეკრებებისა და მანიფესტაციის გამართვის უფლებას.
ამასთან, აღსანიშნავია, რომ „შეკრებებისა და მანიფესტაციების შესახებ“ საქართველოს კანონის შესაბამისად, აკრძალულია ადმინისტრაციული ორგანოების ბლოკირება და მათი საქმიანობის შეფერხება.
შინაგან საქმეთა სამინისტრო მიმდინარე აქციების და შეკრებების დროს მოქალაქეებსა და პოლიტიკურ ლიდერებს მოუწოდებს, დაიცვან საქართველოს კონსტიტუცია, პატივი სცენ პოლიციელთა პროფესიულ საქმიანობას, არ გასცდნენ მშვიდობიანი შეკრების კანონით დადგენილ ფარგლებს, დაემორჩილონ პოლიციის მოთხოვნას და დაიცვან საზოგადოებრივი წესრიგი. კანონდარღვევის ნებისმიერი ფაქტი პოლიციის მხრიდან მყისიერად იქნება აღკვეთილი და შესაბამისი სამართლებრივი რეაგირება მოჰყვება.”- შსს.