ქუთაისში, შინაგან საქმეთა მინისტრის, გიორგი გახარიას  გადადგომის მოთხოვნით,

მორიგი აქცია 19:00 საათზე გაიმართება.  აქციის ორგანიზატორების თქმით, ისინი ქალაქის ცენტრალურ მოედანზე საკუთარი ავტომობილებით მივლენ და მსვლელობას გამართავენ. მანამდე კი ცენტრალურ მოედანზე პერფორმანსს გამართავენ. 

პოლიტიკური გაერთიანება “ქართული ოცნება – დემოკრატიული საქართველოს” თავმჯდომარე, ბიძინა ივანიშვილი აქციის მონაწილეთა მოთხოვნებიდან მხოლოდ ერთს, 2020 წლის საპარლამენტო არჩევნების პროპორციული სისტემით ჩატარებას ნულოვანი ბარიერით დათანხმდა.

შეგახსენებთ, აქციის მონაწილეების მთავარი მოთხოვები იყო: დაუყონებლივ გათავისუფლდნენ დაკავებული აქციის მონაწილეები; დატოვოს დაკავებული თანამდებობა შინაგან საქმეთა მინისტრმა გიორგი გახარიამ; 2020 წლის საპარლამენტო არჩევნები ჩატარდეს პროპორციული წესით.

დღესვე, 14:00 საათზე, გახარიას გადადგომას მანქანებით მსვლელობითა და სიგნალებით მოითხოვენ.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *