პოლიტიკა
როგორი იქნება ჭოგნარის ნაგავსაყრელი და დაბინძურდება თუ არა გარემო
ქუთაისთან ახლოს, ჭოგნარის მიმდებარე ტერიტორიაზე ახალი რეგიონალური ნაგავსაყრელი აშენდება. პროექტის მიხედვით, ახალი ნაგავსაყრელი დაახლოებით 700 000 მოქალაქეს მოემსახურება. ნარჩენების ტრანსპორტირება და ნაგავსაყრელზე განთავსება რაჭა-ლეჩხუმიდან და ქვემო სვანეთიდანაც მოხდება.

ნაგავსაყრელის მოწყობისათვის ადგილის შერჩევა კანონმდებლობის დაცვით მოხდა. ამის შესახებ საქართველოს მყარი ნარჩენების მართვის კომპანიის დირექტორმა გიორგი შუხოშვილმა განაცხადა. მისივე თქმით, ნაგავსაყრელი ეწყობა იმ მუნიციპალიტეტის ახლოს, რომელიც ყველაზე მეტ ნარჩენს აგროვებს.

რეგიონალური ნაგავსაყრელის მშენებლობა მიმდინარე წლის გაზაფხულზე დაიწყება და 2020 წლის გაზაფხულზე დასრულდება.

გიორგი შუხოშვილის განმარტებით, პროექტის განხორციელებას მოსახლეობისათვის მინიმალური რისკები ახლავს. მისივე თქმით, ნაგავსაყრელი მოეწყობა იმგვარად, რომ მოსახლეობა მაქსიმალურად იყოს დაცული ჰაერისა და წყლის დაბინძურებისაგან.

ჭოგნარის ტერიტორიაზე, მოსახლეობიდან 500-700 მეტრში გაითხრება ქვაბული, რომელიც რამდენიმე შრით იქნება იზოლირებული. ნაგავსაყრელს ექნება გეომემბრანის, თიხისა და სადრენაჟო ფენა. უზრუნველყოფილი იქნება ჰერმეტულობა. ქვაბულის ახლოს მოეწყობა წყლის გამწმენდი ნაგებობა, რომელიც უზრუნველყოფს წყლის შეგროვებასა და გაფილტვრას. ნაგავსაყრელზე მიტანილი ნარჩენების ჩამარხვა და შემდგომ მისი გადაფარვა ყოველდღიურ რეჟიმში განხორციელდება. საბოლოოდ, თვალთახედვის არეში გამოჩნდება მიწის ფართობი, მწვანე გორაკი. ნაგავსაყრელის მოწყობა 3 ფაზად განხორციელდება. თითოეული ფაზა 7-6 წლის განმავლობაში იფუნქციონირებს. ნაგავსაყრელზე დასაქმდება 60-მდე ადამიანი.

გიორგი შუხოშვილის განმარტებით, ნაგავსაყრელის მიმდებარე ტერიტორიაზე ყოველთვიურად იწარმოებს ჰაერისა და წყლის ხარისხის შესამოწმებელი კვლევები.
ნაგავსაყრელის მოწყობა ჭოგნარისა და გოდოგანის მოსახლეობამ რამდენიმე დღის გააპროტესტა. ადგილობრივები შიშობენ, რომ პროექტის განხორციელების შემდეგ ტერიტორიაზე სასმელი წყალი და ჰაერი დაბინძურდება, მომრავლდება მწერები.

"პროექტს პირადად გავეცანი. ნამდვილად, ევროპული სტანდარტები არის გათვალისწინებული. ამ ტიპის ნაგავსაყრელები ხელს შეუწყობს ეკოლოგიურად სუფთა გარემოს შექმნას. პროექტის გაცნობის შემდეგ, ის კითხვები, რაც მოსახლეობას აქვს აღარ იქნება. მოსახლეობასთან კომუნიკაციას კვლავ გავაგრძელებთ,"-განაცხადა იმერეთის გუბერნატორმა შავლეგო ტაბატაძემ.

რაც შეეხება იმერეთში არსებულ ძველ ნაგავსაყრელებს, ისინი ეტაპობრივად დაიხურება. დაიხურება სამტრედიასა და ქუთაისში არსებული მუნიციპალური ნაგავსაყრელებიც, რომლებიც შავლეგო ტაბატაძემ და გიორგი შუხოშვილმა დაათვალიერეს. დახურვის შემდეგ ადგილზე რეკრეაციული ზონა მოეწყობა.

საბოლოოდ, ქვეყანაში 8 რეგიონალური ნაგავსაყრელი შეიქმნება.

საქართველოს მყარი ნარჩენების მართვის კომპანიის დაქვემდებარებაში 54 მუნიციპალური ნაგავსაყრელია. 2013 წლიდან დღემდე სულ 31 ნაგავსაყრელი რეაბილიტირდა. დაიხურა 23 მათგანი. მოეწყო 5 გადამტვირთავი სადგური.

პროექტის მთლიანი ღირებულება 27 მილიონი ევროა.

სამტრედიის მუნიციპალური ნაგავსაყრელი






ქუთაისი, ნიკეას ნაგავსაყრელი


FaceBook Twitter Google
ამავე კატეგორიაში
20:10 / 26.03.2019
"თეთრ ხიდზე" სტიკერების დაკვრისათვის მეორედ დაწყებული პროცესი ქუთაისის საქალაქო სასამართლოში დასრულდა.
ზესტაფონის მერია სოციალურად დაუცველი ადამიანების საცხოვრებელი
პირობების
17:45 / 25.03.2019
ზესტაფონის მერია სოციალურად დაუცველი ადამიანების საცხოვრებელი პირობების
იმერეთის გუბერნატორის პირველი მოადგილის პოზიცია ზვიად შალამბერიძემ
დაიკავა.
15:55 / 25.03.2019
იმერეთის გუბერნატორის პირველი მოადგილის პოზიცია ზვიად შალამბერიძემ დაიკავა.
15:18 / 25.03.2019
"თეთრ ხიდზე" სტიკერების დაკვრისათვის სასამართლო დავა კვლავ გრძელდება.
14:50 / 25.03.2019
"ქართულმა ოცნებამ" ჭიათურაში მერობის კანდიდატად გივი მოდებაძე დაასახელა.
ვალუტა
EUR
EUR
3.0701
TRY
TRY
0.5084
USD
USD
2.6940
ამინდი
თბილისი 1 - 7 °C
img
ქუთაისი 3 - 18 °C
img
ბათუმი 7 - 12 °C
img
პოპულარული - ბოლო 30 დღის
24 წლის ფერმერი ფერეთადან
ეს არის ამბავი ბიჭზე, რომელიც იმერეთში, ვანის მუნიციპალიტეტის სოფელ ფერეთაში ცხოვრობს.
14:21 / 26.02.2019
"ჯგუფი იქნება განახლებული შემადგენლობით"-ქუთაისში abba-ს კონცერტი გაიმართება
ქუთაისში abba-ს კონცერტი გაიმართება. აღნიშნულის შესახებ "კულტურის პალატის" თავმჯდომარემ დავით ოქიტაშვილმა განაცხადა.
13:21 / 08.03.2019
ძილი და მისი მართვა
რამდენად მნიშვნელოვანის ადამიანისთვის ძილი და მისი მართვის ცოდნა? რა როლი აქვს ადამიანის ჯანმრთელობისთვის სწორ ძილს?
18:09 / 28.02.2019
ქუთაისელი მოსწავლის ნახატი მსოფლიოს 50 საუკეთესო ნამუშევართა შორის მოხვდა
ნიკო ნიკოლაძის სახელობის სკოლა-ლიცეუმის მოსწავლის, 10 წლის თამარ ნოზაძის
18:15 / 28.02.2019