პოლიტიკა
ქუთაისის მერიას ერთჯერადი დახმარებების ნაცნობობითა და შუამავლების მეშვეობით გაცემაში ადანაშაულებენ
"ლეიბორისტული პარტიის" ქუთაისის ორგანიზაციის წევრი ირაკლი კიკვაძე ქუთაისის მერიას ერთჯერადი სოციალური დახმარებების ნაცნობობითა და შუამავლების მეშვეობით გაცემაში ადანაშაულებს. კიკვაძე მიიჩნევს, რომ რეალურად გაჭირვებული ადამიანები დახმარების გარეშე რჩებიან.

"გაჭირვებული ოჯახების მოკვლევა და დადგენა არ ხდება. იმისათვის, რომ მიიღო მერიიდან სოციალური დახმარება, უნდა გყავდეს ნაცნობი ან შუამავალი მერთან და მის უახლოეს გარემოცვასთან. ახალი წლის შემდეგ, ბიუჯეტიდან ათეულ ათასობით ლარია დახარჯული მერისა და მისი მოადგილეების მივლინებისათვის,"-განაცხადა კიკვაძემ.

ირაკლი კიკვაძის განმარტებით, მოქალაქე ლელა ჯანაშიამ ქუთაისის მერიას ორი თვის წინ მიმართა. ჯანაშია მერიისაგან მისი 8 წლის შვილის თბილისში ექიმთან ვიზიტისათვის 400 ლარამდე თანხას ითხოვდა. "ლეიბორისტული პარტიის" წევრი მიიჩნევს, რომ ჯანაშია იმ მოქალაქეთაგანია, რომელსაც მერიამ უარი "შერჩევითობის" პრინციპის საფუძველზე უთხრა.

"ვითხოვდი ერთჯერად დახმარებას. განცხადების შეტანის შემდეგ, ქუთაისის მერიიდან უარი მომივიდა. მიზეზად მეუღლის მკურნალობისათვის, დიალიზის შესაძენად, ყოველთვიურად სახელმწიფოსაგან და ადგილობრივი თვითმმართველობისაგან მგზავრობისათვის გამოყოფილი 100-100 ლარიანი დახმარებები დასახელდა. მითხრეს, რომ როდესაც თბილისიდან დავბრუნდებოდით, უკვე დანიშნული მედიკამენტების შეძენაში დამეხმარებოდნენ. მგზავრობისა და ექიმთან ვიზიტის საშუალება რომ მქონოდა, მერიას არ მივმართავდი,"-განაცხადა ლელა ჯანაშიამ.

"ლეიბორისტული პარტიის" წევრმა ქუთაისის მერიიდან საჯარო ინფორმაციაც გამოითხოვა, რომლის მიხედვითაც დგინდება, რომ ახალი წლის შემდეგ, მერიის სარეზერვო ფონდიდან სოციალური დახმარება 654 განცხადებაზეა გაცემული. ირაკლი კიკვაძის თქმით, თანხა, რომელმაც ჯამში 130 000 ლარი შეადგინა, ნაცნობობითაა განაწილებული.

ლელა ჯანაშია ქუთაისის მერიაში განცხადების შეტანას კვლავ აპირებს.


FaceBook Twitter Google
ამავე კატეგორიაში
ეკონომიკის სამინისტროს ქონების ეროვნულ სააგენტოში
20:05 / 21.02.2020
ეკონომიკის სამინისტროს ქონების ეროვნულ სააგენტოში
ეკონომიკის სამინისტროს ქონების ეროვნულ სააგენტოში
20:05 / 21.02.2020
ეკონომიკის სამინისტროს ქონების ეროვნულ სააგენტოში
Aliexpress WW
ამინდი
თბილისი 3 - 13 °C
img
ქუთაისი 6 - 18 °C
img
ბათუმი 7 - 13 °C
img
პოპულარული - ბოლო 30 დღის
7 წლის ბაღდათელმა მოჭადრაკემ ევროპის სასკოლო ჩემპიონატის საგზური მოიგო
თბილისის ჭადრაკის სასახლეში გამართულ საქართველოს სასკოლო ჩემპიონატზე ბაღდათელმა
13:06 / 12.02.2020
ქუთაისის 30-ე საჯარო სკოლის დირექტორი საუკეთესო დირექტორთა სამეულში მოხვდა
ქუთაისის 30-ე საჯარო სკოლის დირექტორი, მიხეილ გიორგაძე, საუკეთესო დირექტორთა სამეულში მოხვდა.
14:38 / 17.02.2020
ხანის ყველი, სულგუნი და სხვადასხვა ნაწარმი პრაღის ტურისტულ გამოფნაზე წარადგინეს
პრაღაში გამართულ ტურიზმის საერთაშორისო გამოფენა-ბაზრობაში ბაღდათელმა მეწარმეებმა მონაწილეობა
14:55 / 17.02.2020