ჯანდაცვა
ქუთაისში ახლადგახსნილ ინფექციურ დაავადებათა სამკურნალო კლინიკას სასწავლო ფუნქციაც ექნება
ქუთაისში, დასავლეთ საქართველოს ტუბერკულოზისა და ფილტვის დაავადების ცენტრის ბაზაზე, უახლესი ტექნიკით აღჭურვილი, ინფექციურ დაავადებათა სამკურნალო კლინიკა გაიხსნა. "ლჯ და კო" - ტუბერკულოზისა და ინფექციურ პათოლოგიათა ცენტრის გახსნას შრომის, ჯანმრთელობისა და სოციალური დაცვის მინისტრი დავით სერგეენკო, ქუთაისის მერი შოთა მურღულია, იმერეთის გუბერნატორი გივი ჭიჭინაძე, მაჟორიტარი დეპუტატები, ადგილობრივი თვითმმართველობის და სამედიცინო სფეროს წარმომადგენლები დაესწრნენ.
"ქუთაისში გაიხსნა ინფექციურ სნეულებათა კლინიკა, რომელიც ბევრი რამით არის მნიშვნელოვანი. პირველი ის, რომ ეს არისპირველი რეალიზებული პროექტი კერძო-სახელმწიფო პარტნიორობის ფორმატში, მეორე იმ მხრივ, რომ რეგიონს მართლაც დიდი საჭიროება ჰქონდა ასეთი ტიპის სამკურნალო დაწესებულების და ასევე ამ დაწესებულებას აქვს ყველა რესურსი: ბრწყინვალე კლინიკური გუნდი და ტექნოლოგიური შესაძლებლობები იმისათვის რომ, როგორც პაციენტების მკურნალობა, ასევე ინფექციებზე კონტროლი იყოს თანამედროვე სტანდარტების შესაბამისი",- განაცხადა ჯანდაცვის მინისტრმა დავით სერგეენკომ.

ღონისძიებაზე ქუთაისის მერმა კლინიკის ხელმძღვანელებს ზაზა ლომინაძესა და შალვა ჯიქიას ღვაწლმოსილი ქუთაისელის წოდება გადასცა. კოტე გვეტაძეს და ამირან ჭეიშვილს მერიის საპატიო სიგელი.

ტუბერკულოზისა და ინფექციურ პათოლოგიათა ცენტრი 70 საწოლზეა გათვლილი. კლინიკაში 8 რეანიმაციული საწოლი და 6 ბოქსირებული პალატაა გამოყოფილი. ცენტრი ულტრათანამედროვე დიაგნოსტიკური ტექნოლოგიებით არის აღჭურვილი და ადგილზე ბიოუსაფრთხოების მე-2 დონის მულტიპროფილური ლაბორატორიაა მოწყობილი. მისი საშუალებით, ადგილზე ბიოქიმიური, ვირუსოლოგიური, სეროლოგიური, ბაქტერიოლოგიური და მოლეკულურ-ბიოლოგიური დიაგნოსტიკური კვლევების ჩატარებაა შესაძლებელი. ინფექციური ნარჩენების თერმულად დასამუშავებლად კი, თანამედროვე ინსინერატორია მოწყობილი.
სამედიცინო მიმართულებასთან ერთად კლინიკას სასწავლო ფუნქციაც ექნება. ინფექციურ პათოლოგიათა ცენტრში ქართველი და მოწვეული უცხოელი სპეციალისტები რეგიონში დასაქმებულ სპეციალისტებს გადაამზადებენ.
დასავლეთ საქართველოს ტუბერკულოზისა და ფილტვის დაავადების ცენტრის ბაზაზე ახალი კლინიკის მოსაწყობად ,,ლჯ და კომპანიამ" 5 მლნ ლარის ინვესტიცია განახორციელა და ცენტრში 180 თანამშრომელი დასაქმდა.
ადგილზე სამედიცინო სერვისების მიღებას როგორც იმერეთის, ისე დასავლეთ საქართველოს მოსახლეობა შეძლებს. კლინიკა ჩხობაძის #20-ში მდებარეობს.
FaceBook Twitter Google
ამავე კატეგორიაში
ქუთასის მერია უსინათლო პირთათვის ხმოვან წნევის აპარატებს შეიძენს.
ამის შესახებ
14:25 / 17.10.2019
ქუთასის მერია უსინათლო პირთათვის ხმოვან წნევის აპარატებს შეიძენს. ამის შესახებ
10 ოქტომბერს მსოფლიო ფსიქიკური ჯანმრთელობის საერთაშორისო დღეს
აღნიშნავს.
12:57 / 10.10.2019
10 ოქტომბერს მსოფლიო ფსიქიკური ჯანმრთელობის საერთაშორისო დღეს აღნიშნავს.
წყალტუბოში უფასო სამედიცინო აქცია გაიმართება. 20 და 21 სექტემბერს
14:04 / 18.09.2019
წყალტუბოში უფასო სამედიცინო აქცია გაიმართება. 20 და 21 სექტემბერს
ამინდი
თბილისი 1 - 13 °C
img
ქუთაისი 6 - 18 °C
img
ბათუმი 11 - 18 °C
img
პოპულარული - ბოლო 30 დღის
"მუხრანობა 2019" მუხრან მაჭავარიანის 90 წლის იუბილეს მიეძღვნება
საჩხერეში სახალხო დღესასწაულს "მუხრანობა 2019"-ს 2 ნოემბერს აღნიშნავენ.
15:42 / 22.10.2019
,,ქუთაისში ჩვენ გვაქვს არგონავტიკის ეპოქის არტეფაქტები" - როლანდ ისაკაძე
აკაკი წერეთლის სახელმწიფო უნივერსიტეტის ასოცირებული პროფესორი როლანდ
13:00 / 04.11.2019
ზეკარის ხეობის 5 ხიდს კულტურული მემკვიდრეობის ძეგლის სტატუსი მიენიჭა
ზეაკრის ხეობაში 5 ხიდი კულტურული მემკვიდრეობის სტატუსის მატარებელია.
12:39 / 28.10.2019
მსოფლიო საოპერო ვარსკვლავები, რომლებიც ქუთაისში 9 ნოემბერს იმღერებენ
ქუთაისს, 9 ნოემბერს, საქველმოქმედო კონცერტის ფარგლებში, მსოფლიო
12:30 / 30.10.2019
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა.
16:59 / 30.10.2019