“ქალაქში სკეიტ პარკი აუცილებლად მოეწყობა

და ყველაფერი კანონის დადგენილ ვადებში განხორციელდება,”-განცხადებას ქუთაისის მერია ავრცელებს.

“გავრცელებული ინფორმაცია, თითქოს ტენდერი ჩაიშალა და პროექტი არ განხორციელდება, სრული სიცრუეა და არ შეესაბამება სინამდვილეს,”-აცხადებენ მერიაში.

როგორც თვითმმართველობაში განმარტავენ, მერიამ ელექტრონული ტენდერი 15 მაისს გამოაცხადა. მათივე ინფორმაციით, წინადადებების მიღების ვადა 6 ივნისს სრულდება.

სატენდერო პირობების მიხედვით, სამუშაოებისთვის 210 ათას ლარზე მეტი უნდა დაიხარჯოს.

შეგახსენებთ, რომ სკეიტერები ქუთაისში სკეიტ პარკის მოწყობას წლების განმავლობაში ითხოვდნენ.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *