ქუთაისის საერთაშორისო აეროპორტში ნარკოტიკული საშუალებების აღმოჩენაში 3 სამომსახურეო ძაღლი ჩაერთვება.

როგორც შინაგან საქმეთა სამინისტროს საზოგადოებასთან ურთიერთობის სამსახურში აცხადებენ, ძაღლებს ზედამხედველობას შსს-ს საპატრულო პოლიციის დეპარტამენტის გადამზადებული თანამშრომლები გაუწევენ.

სამომსახურეო ძაღლები აეროპორტში კინოლოგიურ პროექტ K9-ს ფარგლებში იგზავნება. აღნიშნული პროგრამა კინოლოგიურ სასწავლო კურსაც მოიცავს, რომლის ფარგლებშიც შსს-ს საპატრულო პოლიციის თანამშრომლებმა მომზადება როგორც საქართველოში, ასევე ამერიკის შეერთებულ შტატებში გაიარეს.

ამერიკულმა მხარემ, კინოლოგიური პროექტი K9-ს მეორე ეტაპის ფარგლებში, შინაგან საქმეთა სამინისტროს 6 სამომსახურეო ძაღლი გადასცა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *