ღონისძიებები, რომლებიც დავითობის დღესასწაულზე გაიმართება

8 თებერვალს დავით აღმაშენებლის ხსენების დღე აღინიშნება.

დავითობის ფარგლებში დაგეგმილი ღონისძიებების განრიგს ქუთაისის მერიის კულტური განყოფილება აქვეყნებს.

დღესასწაულის აღნიშვნა 10:30 საათზე დავით აღმაშენებელის ძეგლის პატივგებით დაიწყება და საღამოს ქუთაისის ცეკვისა და სიმღერის სახელმწიფო ანსამბლის საზეიმო კონცერტით დასრულდება.

გთავაზობთ 8 თებერვლის პროგრამას:

10:30 – დავით აღმაშენებლის ძეგლის პატივგება;

12:00 – გელათის სამონასტრო კომპლექსში საზეიმო წირვა, დავით აღმაშენებლის საძვალის პატივგება, საქართველოს საპატრიარქოს ჩოხოსანთა საზოგადოების წმიდა დავით აღმაშენებლის სახელობის ქუთაის-იმერეთის ორგანიზაციის ახალი ჩოხოსნების კურთხევა; 

13:00 – ხელნაწერთა ეროვნული ცენტრის გამოფენა “დავით აღმაშენებლის მემკვიდრეობა ხელნაწერთა ცენტრის კოლექციებში”(გელათის სამონასტრო კომპლესთან არსებულ გელათის აკადემიის შენობა);

13:30 – საგალობლების ფესტივალი (მონაწილეები: “ანჩისხატი”, “აღსავალი”, “იადგარი”, ბაღდათის სალოტბარო სკოლის გუნდი);

18:30 – ქუთაისის ცეკვისა და სიმღერის სახელმწიფო ანსამბლის საზეიმო კონცერტი მესხიშვილის თეატრში.

ღონისძიებები ქუთაისსა და გელათის სამონასტრო კომპლექსში ჩატარდება.