ტერმინოლოგია:

რას ნიშნავს ფეიქ ნიუსი?

ყალბი ახალი ამბები, ეგრეთ წოდებული ფეიქ ნიუსები ინტერნეტ ეპოქაში პროპაგანდის, ექსტრემისტული თუ პოლიტიკური მიზნების მიღწევის ეფექტური იარაღია.

ფეიქ ნიუსების შემქმნელები წარმატებით იყენებენ მყვირალა, პროვოკაციულ სათაურებს, მოგონილ ფაქტებს, ან კონტექსტიდან ამოგლეჯილ განცხადებებს, ყალბ – ფოტოშოპის მეშვეობით გადაკეთებულ ფოტოებს და ასე შემდეგ.

ყალბი ამბების გასავრცელებლად სპეციალურად იქმნება მედია პორტალები და ფეისბუქ-გვერდები. ისინი ინფორმაციას ეგრეთ წოდებული, ცირკულარული რეპორტინგის მეთოდით ავრცელებენ. რაც ნიშნავს, რომ რამდენიმე გამოცემა აქვეყნებს სტატიას და წყაროებად ერთმანეთს უთითებენ, ამით ინფორმაციის ნამდვილობის იმიტაციას ახდენენ.

მნიშვნელოვანია, რომ უნებლიედ ჩვენ თვითონ არ ვიქცეთ ფეიქ-ნიუსის გამავრცელებლად. ამიტომ უნდა მოვერიდოთ საეჭვო ინფორმაციის გამეორებას. მაგალითად, ასეთი მასალის საკუთარ ფეისბუქ-გვერდზე გაზიარებას, რადგან ამით ხელს შევუწყობთ სიყალბის გავრცელებას, საკუთარ რეპუტაციას კი სერიოზულ  დარტყმას მივაყენებთ.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *