რა არის კაპები (ელაინერები)?

კაპები არის გამჭვირვალე, ინდივიდუალურად დამზადებული მოსახსნელი კონსტრუქციები, რომლებიც თანდათანობით და ნაზად ასწორებენ კბილების დგომას. ისინი წარმოადგენენ ორთოდონტიული მკურნალობის ულტრათანამედროვე მეთოდს, რომელიც განსაკუთრებით პოპულარულია მოზრდილებში, ვისთვისაც ვიზუალური ესთეტიკა პრიორიტეტულია.

მკურნალობის დაწყებამდე, ჩვენს კლინიკაში ხდება თქვენი ყბების ციფრული სკანირება და სპეციალური პროგრამის საშუალებით იქმნება თქვენი კბილების მოძრაობის 3D გეგმა. ამ გეგმის მიხედვით მზადდება კაპების ნაკრები, რომელთაგან თითოეული მცირედით განსხვავდება წინასგან. ყოველ ორ კვირაში თქვენ გადადიხართ ახალ კაპაზე, რომელიც აგრძელებს კბილების დაგეგმილი მიმართულებით გადაადგილებას.

კაპების ძირითადი უპირატესობები

კაპები პაციენტებს სთავაზობს უამრავ უპირატესობას, რაც მათ სტომატოლოგიაში ერთ-ერთ ყველაზე მოთხოვნად მეთოდად აქცევს:

●      ესთეტიკა: გამჭვირვალე მასალის გამო, კაპები პრაქტიკულად უხილავია.

●      კომფორტი: ისინი მზადდება გლუვი, თხელი პლასტიკისგან, რაც ამცირებს ღრძილებისა და რბილი ქსოვილების გაღიზიანებას, ბრეკეტებისგან განსხვავებით.

●      ჰიგიენა: კაპები შეგიძლიათ მოიხსნათ ჭამის, კბილების გახეხვისა და ფლოსინგის დროს. ეს მნიშვნელოვნად ამარტივებს პირის ღრუს სრულყოფილ მოვლას, რაც მნიშვნელოვანია მკურნალობის მთელი პერიოდის განმავლობაში.

●      პროგნოზირებადობა: ციფრული დაგეგმვის წყალობით, პაციენტმა მკურნალობის დაწყებამდე ზუსტად იცის, როგორი იქნება მისი საბოლოო შედეგი და რამდენი ხანი გაგრძელდება პროცესი.

ეფექტური შედეგისთვის აუცილებელია კაპების ტარება დღე-ღამეში 22 საათის განმავლობაში. მკურნალობის პერიოდი, არასწორი დგომის სირთულიდან გამომდინარე, საშუალოდ 1-დან 2 წლამდე გრძელდება.

კაპები vs. ვინირება?

ხშირად პაციენტებს უჩნდებათ კითხვა, რომელია უკეთესი: კაპები თუ ვინირება? მნიშვნელოვანია გვესმოდეს, რომ ეს ორი პროცედურა სხვადასხვა პრობლემას აგვარებს:

●      კაპები ასწორებს კბილების დგომასა და თანკბილვას (ფუნქციური და სტრუქტურული კორექცია).

●      ვინირება კი აუმჯობესებს კბილის ფერს, ფორმას და ზედაპირულ ესთეტიკას (წმინდა ესთეტიკური კორექცია).

თუ თქვენი მთავარი პრობლემა კბილების არასწორი განლაგებაა, კაპები არის საუკეთესო გზა მათ ფიზიოლოგიურად გასასწორებლად. ვინირება კი შესანიშნავია მათთვის, ვისაც უკვე სწორი თანკბილვა აქვს, მაგრამ სურს მცირე დეფექტების ან ფერის ცვლილების გამოსწორება. ზოგიერთ შემთხვევაში, სრულყოფილი შედეგის მისაღებად, შესაძლოა საჭირო გახდეს კაპების გამოყენება კბილების გასასწორებლად, რასაც მოჰყვება ვინირება ესთეტიკური კორექციისთვის.

„ბლიც დენტალი-კახაბერ ხარებავას კლინიკა“ იყენებს უახლეს ციფრულ ტექნოლოგიებს, რათა შემოგთავაზოთ ინდივიდუალური მკურნალობის გეგმა. დაგვიკავშირდით კონსულტაციისთვის და დაიწყეთ თქვენი გზა სრულყოფილი ღიმილისკენ.

R

The post უხილავი ორთოდონტია: ყველაფერი კაპების (ელაინერების) შესახებ appeared first on ძველი ქალაქი.

მას არ ახასიათებს ძალიან მაღალი ტემპერატურა, ასევე არ მოქმედებს ფილტვებზე.

„თუ თქვენ გადატანილი გაქვთ კორონავირუსი 2022 წლის ივლისამდე, ჯერ კიდევ შენარჩუნებული გაქვთ მდგრადობა „ომიკრონის“ სუბვარიანტის მიმართ, თუ თქვენ ვაქცინირებული ხართ ახალი ბივალენტური ვაქცინით, ან გაკეთებული გაქვთ „ბუსტერი“ სექტემბრის შემდეგ პერიოდში, თქვენი დაცვა ამ ვარიანტის წინააღმდეგ მაღალია. ჯანმო ხაზგასმით აღნიშნავს, რომ თუ გვინდა თავი დავიცვათ ამ ქვევარიანტისგან, მესამე ან მეოთხე დოზით უნდა ავიცრათ.
რაც შეეხება კლინიკურ მიმდინარეობას, ის „ომიკრონის“ მსგავსია – არ ახასიათებს ძალიან მაღალი ტემპერატურა, არ მოქმედებს ფილტვებზე, ასევე არ ახასიათებს ძლიერი სისუსტე“, -ამბობს ივანე ჩხაიძე.

გარდა ამისა, მან ვირუსებზეც ისაუბრა და აღნიშნა, რომ ჰოსპიტალიზაციის ძირითადი მაჩვენებელი გრიპზე და არა კორონავირუსზე მოდის.

„რა თქმა უნდა, გვაქვს მოლოდინი, რომ ამ ორი ვირუსის დომინირება გაგრძელდება. რთულია იმის პროგნოზირება, თუ რამდენი ხანი გაგრძელდება ამ ორი ვირუსით ინფიცირების მაჩვენებლის მატება. სავარაუდოდ, მომდევნო 2 თვის განმავლობაში სეზონური ვირუსული ინფექციებით ინფიცირების მაღალი მაჩვენებელი დარჩება“, – ამბობს ივანე ჩხაიძე.

The post ,,თუ გვინდა კორონავირუსის ქვევარიანტისგან თავი დავიცვათ, მესამე ან მეოთხე დოზით უნდა ავიცრათ’’-ივანე ჩხაიძე appeared first on ძველი ქალაქი.

ცენტრმა, ვაქცინაცია სექტემბრის ბოლოს დაიწყო. პირველ ეტაპზე, მომსახურება, დაავადების გართულების მომატებული რისკი აქვთ მქონე პირებმა მიიღეს.

NCDC-ის განცხადებით, იმუნიზაციის სახელმწიფო პროგრამის ფარგლებში, საქართველომ, 200 000 დოზა, “სანოფი პასტერის” წარმოების, ოთხ-კომპონენტიანი ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.

გრიპის აცრა, 6 თვის ასაკიდან უფასოა. ვაქცინაციის პროცესში 400-მდე სამედიცინო დაწესებულებაა ჩართული.

The post გრიპის ვაქცინაცია უფასო 22 ნოემბრის ჩათვლით იქნება appeared first on ძველი ქალაქი.

„იოლ მასტერ 700“ არის ოქროს სტანდარტი ოპტიკურ ბიომეტრიაში, რომელიც საშუალებას იძლევა დაიგეგმოს კატარაქტის ოპერაცია უზუსტესად გაზომილი გერმანული და ამერიკული ინტრაოკულარული ლინზებით. მოწყობილობა უზრუნველყოფს თვალის მძლავრ (ბე)-სკანირებას.„იოლმასტერ 700“-ის ყველაზე დიდი უპირატესობა არის ის, რომ მოწყობილობას შეუძლია შეამციროს რეფრაქციული ცდომილება.

თანამედროვე კვლევითი და ქირურგიული აპარატურის გამოყენებით კლინიკა „აილაინში“ კატარაქტის ოპერაცია ტარდება 100%-იანი გარანტირებული შედეგით!

სამედიცინო ცენტრი „აილაინი“

მისამართი: ქუთაისი, ირაკლი აბაშიძის 32 ა

ტელ:  597 27 22 22

The post სიახლე “აილაინში”: “იოლმასტერი 700”-ოქროს სტანდარტი ოფთალმოლოგიაში appeared first on ძველი ქალაქი.

NCDC-ის ინფორმაციით, 2021 წელს ქვეყანაში რეგისტრირებული ხელოვნური აბორტების წილი 62.7%-ს უდრიდა.

ცენტრის ცნობით, ხელოვნური აბორტის ყველაზე მაღალი მაჩვენებელი 25-34 წლამდე ქალების ასაკობრივ ჯგუფში ფიქსირდება. გასულ წელს, აღნიშნულ ასაკობრივ კატეგორიაში 9 414 აბორტი გაკეთდა.

NCDC-ს ინფორმაციით, ხელოვნური აბორტის მეთოდის მიხედვით, 2021 წელს მედიკამენტური აბორტების წილი წინა წლებთან შედარებით, გაზრდილია.

ცნობისთვის, 2020 წელს საქართველოში 19 039 აბორტი გაკეთდა.

The post 2021 წელს, საქართველოში 17 774 აბორტი გაკეთდა appeared first on ძველი ქალაქი.

6 ივლისს 621 ახალი შემთხვევა დაფიქსირდა.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, დადებითობის მაჩვენებელი თითქმის 5%-ს მიუახლოვდა.

„ბოლო 2 კვირაა, რაც ქვეყანაში ეპიდვითარება შეიცვალა, ყოველდღიური ახალი შემთხვევების რიცხვი იმატებს. მოგეხსენებათ, რომ ბოლო 2 თვე კვირაში ერთხელ ჯამდებოდა ეპიდვითარება და საკმაოდ წყნარი იყო. ჩვენ, დღიურად გვქონდა 30-50 ინფიცირება, კვირის მაჩვენებელი კი 100-200 შემთხვევას არ ცდებოდა. ჰოსპიტლების დატვირთვა მაღალი არ არის, 7-8%-ს შეადგენს. თუმცა, ეპიდვითარებისთვის დამახასიათებელი ყველა მაჩვენებელი შეცვლილია. დადებითობის მაჩვენებელი თითქმის 4-5%-ს მიუახლოვდა,,’’-აცხადებს ამირან გამყრელიძე.

მისივე თქმით, შემთხვევების ზრდა განპირობებულია ახალი ქვეშტამის BA.4 და BA.5-ის ცირკულაციით.

,,საბედნიეროდ, ეს ქვეშტამი არ არის უფრო აგრესიული, ვიდრე მისი წინამავალი შტამები. ყველაზე მძიმე ინდიკატორი ჯერ არ არის გაზრდილი, თუმცა, ეს ყველაფერი საყურადღებო და საფრთხილოა“,- აღნიშნავს გამყრელიძე.

ის მოსახლეობას ვაქცინის გაკეთებისკენ მოუწოდებს.

The post საქართველოში კოვიდ 19-ის შემთხვევები იმატებს appeared first on ძველი ქალაქი.

მათ ქუთაისის მერიასთან აქცია გამართეს. პროტესტის მონაწილეების თქმით, უცნობია რის გამო გაათავისუფლეს მენეჯერი სამსახურიდან.

,,მერიის შენობასთან მოვედით იმიტომ, რომ ქუთაისის მერიამ და მთლიანად ქუთაისმა იცის, როგორ შრომობს ქუთაისში სასწრაფო-სამედიცინო დახმარება, თავისი მენეჯერის საშუალებით. პანდემიის დროს მაია რუხაძე ყველა ბრიგადასთან ერთად დადიოდა და 24 საათის განმავლობაში მორიგეობდა. ამას დიდი მნიშვნელობა აქვს. ვერ შევეგუებით მის გათავისუფლებას,’’-ამბობს აქციის მონაწილე ერთ-ერთი ექიმი.

150-მდე მედიკოსი შესაბამისი უწყებისგან პასუხს ელოდება.

The post ქუთაისში, სასწრაფო დახმარების ჯგუფებმა მენეჯერის გათავისუფლება გააპროტესტეს appeared first on ძველი ქალაქი.

 ქუთაისში სამედიცინო ოფთალმოლოგიური კონფერენცია გაიმართა სახელწოდებით ,, დიაგნოსტიკისა და მკურნალობის თანამედრივე ასპექტები ოფთალმოლოგიაში”.

კონფერენცია ლ.ადეიშვილის თვალის კლინიკის დამფუძნებლის, ოფთალმოქირურგ ლევან ადეიშვილის ინიციატივითა და ორგანიზებით შედგა 

და მასში მონაწილეობა ქუთაისის კლინიკების მოქმედმა ოფთალმოლოგებმა მიიღეს. ოფთალმოლოგიის თანამედროვე გამოწვევები და მიღწევები აისახა მომხსენებელთა მრავალფეროვან თემებში. კონფერენცია შესავალი სიტყვით გახსნა ოფთალმოქირურგმა ლევან ადეიშვილმა, რომელმაც თვალის დაავადებების მკურნალობასა და ქირურგიაში დანერგილ სიახლეებზე ისაუბრა. საინტერესო თემებზე მოხსენებები წაიკითხეს ოფთალმოლოქირურგებმა თამთა აფხაძემ, თინათინ ფარჯანაძემ, ბესო ჭელიძემ და თინათინ სიხარულიძემ წაიკითხეს. როგორც თვალის კლინიკათა ქსელის დამფუძნებელმა ლევან ადეიშვილმა განაცხადა, მსგავსი კონფერენციების დაგეგმვასა და ორგანიზებას მომავალშიც გეგმავს.

The post ,, დიაგნოსტიკისა და მკურნალობის თანამედრივე ასპექტები ოფთალმოლოგიაში”.-კონფერენცია ქუთაისში appeared first on ძველი ქალაქი.

ლუგარის ლაბორატორიაში უკვე გააგზავნეს იმ პაციენტის მონაცემები, რომელსაც ,,მაიმუნის ყვავილის’’ მსგავსი სიმპტომები აქვს.

პაციენტს სახისა და კიდურების არეში გამონაყარი აქვს. ექიმების თქმით, მისი მდგომარეობა დამაკმაყოფილებელია.

პაციენტს საზღვარგარეთ მოგზაურობის ისტორია აქვს.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ამ შემთხვევის გარდა, დაკვირვება მიმდინარეობდა “მაიმუნის ყვავილის” კიდევ ერთ სავარაუდო შემთხვევაზე, მაგრამ ინფექცია არ დადასტურდა.

ინფექციური პათოლოგიის და შიდსის ცენტრის მიმღები განყოფილების გამგე მაია ზალდატანიშვილი აცხადებს, იმ ქვეყნების სიაში, სადაც “მაიმუნის ყვავილი” ფიქსირდება, შესაძლოა, საქართველოც მოხვდეს.

,,შესაძლოა, რომ საქართველო აღმოჩნდეს იმ ქვეყნების სიაში, სადაც დაფიქსირდება “მაიმუნის ყვავილი”, რადგან საკმაოდ ბევრი ქართველი დადის ევროპაში და მოგზაურობს. ძირითადად წვეთოვნად ფიქსირდება, თუმცა ხანგრძლივი კავშირის დროს ვერ გამოვრიცხავთ, რომ ერთი ადამიანიდან მეორეს გადაედოს,”- აცხადებს მაია ზალდატანიშვილი.

მაიმუნის ყვავილი 27 ქვეყანაშია გამოვლენილი და 800-მდე ფაქტია დადასტურებული.

The post ,,იმ ქვეყნების სიაში, სადაც “მაიმუნის ყვავილი” ფიქსირდება, შესაძლოა, საქართველოც მოხვდეს’’-მაია ზალდატანიშვილი appeared first on ძველი ქალაქი.

შინმოვლა არის სამედიცინო, სარეაბილიტაციო, ფსიქოლოგიური და სოციალური მომსახურებების ერთობლიობა, რომელიც ბენეფიციარს საჭიროებებიდან გამომდინარე ბინაზე მიეწოდება. შინმოვლის პროგრამა განკუთვნილია ადამიანებისთვის, რომლებსაც დროებით ან მუდვილად შეზღუდული აქვთ საკუთარი თავის მოვლის საშუალება, ესენია: განსაკუთრებული საჭიროებების მქონე პირები, ხანდაზმული ადამიანები, პოსტოპერაციული პაციენტები და სხვა. მომსახურება გულისხმობს ბენეფიციარისთვის სამედიცინო სერვისის მიწოდებას, მედიკამენტებით და ჰიგიენური საშუალებებით უზრუნველყოფას, ადვოკატირებას და კონსულტირებას სხვადასხვა დაწესებულებაში და ა.შ. 

,,საქართველოს კარიტასი” შინმოვლის პროგრამას საქართველოს 6 რეგიონში ახორციელებს და წლის განმავლობაში, ჯამში, 2000-მდე ბენეფიციარს უწევს დახმარებას. ქუთაისში, ჯამში 150 ბენეფიციარი ფინანსდება, აქედან 62 მათგანს ქუთაისის მერია აფინანსებს. ქუთაისის მერიის მხრიდან კარიტასის დაფინანსება 30 ათას ლარს შეადგენს.

,,განიხილება საკითხი, რომ 2023 წლიდან სახელმწიფომ, შესაძლოა, შინმოვლის პროგრამა დააფინანსოს. ამ დროისთვის ამ ტიპის პროგრამაზე მუნიციპალიტეტიდან მცირე თანხაა გამოყოფილი. იმერეთის მერიების თანამშრომლებისთვის ვატარებთ სემინარს იმის შესახებ, როგორ შეიძლება ამ საკითხის უკეთ ორგანიზება. აუცილებელია მუნიციპალიტეტს ჰქონდეს ინფორმაცია იმის შესახებ, რა არის შინმოვლა, რა მიზნებს ემსახურება, რა კრიტერიუმებით უნდა შეარჩიონ პაციენტები, რათა ის მცირე რესურსები, რაც მათ აქვთ, ეფექტურად გამოიყენონ. შინმოვლის პროგრამის თანამშრომლების შერჩევისას უნდა გაითვალისწინონ, რომ მათ უნდა ჰქონდეთ ან საექთნო განათლება, რადგან შინმოვლა სამედიცინო მომსახურების გაწევასაც გულისხმობს, ან შინ მოვლის ტრენინგები გავლილი. ამ ტრენინგებსაც კარიტასი უზრუნველყოფს,’’-ამბობს ,,კარიტასი საქართველოს’’ ჯანდაცვის პროგრამის მენეჯერი გაიოზ ყუბანეიშვილი.

,,წლების განმავლობაში ვთანამშრომლობთ კარიტასთან. ექსპერტებმა დადეს დასკვნა, რომ ბენეფიციარები კმაყოფილნი არიან კარიტასის მომსახურებით. კარიტასის გარდა, შინ მოვლის პროგრამას ,,წითელი ჯვარიც’’ ახორციელებს. ორივე ორგანიზაციას 30 ათასი ლარით ვაფინანსებთ და ჯამში, ჩვენი მხრიდან კარიტასში 62, ხოლო ,,წითელ ჯვარში’’ 70 ადამიანი ფინანსდება. ბენეფიციარებს შეუძლიათ თავად აირჩიონ, რომელ ორგანიზაციასთან სურთ თანამშრომლობა, ,,კარიტასთან’’ თუ ,,წითელ ჯვართან,’’-ამბობს ქუთაისის მერიის სოციალურ საკითხთა სამსახურის ხელმძღვანელი ვარლამ გობეჯიშვილი.

,,საქართველოს კარიტასი’’ 1994 წელს დაფუძნდა და ის საქმიანობას სხვადასხვა სფეროში ახორციელებს.

The post შინმოვლის საკითხების შესახებ, ,,საქართველოს კარიტასმა’’, იმერეთის მერიების თანამშრომლებისთვის სემინარი ჩაატარა appeared first on ძველი ქალაქი.