მერიის პრესსამსახურის ინფორმაციით, ქუთაისის მერი სამშენებლო კომპანიების წარმომადგენლებს შეხვდა.

ქუთაისში ინფრასტრუქტურულ პროექტებზე მუშაობა გრძელდება.  როგორც კომპანიების წარმომადგენლები აცხადებენ, მათ ამ ეტაპზე მასალის შესაბამისი მარაგი აქვთ, რათა სამუშაოები გაგრძელდეს. თუმცა, მოკლე ხანში მარაგის შევსება საჭირო გახდება.

” კოორდინირებული მუშაობით ამ დაძაბულ დღეებს გადავლახავთ . ახლა, როგორც არასდროს, გვჭირდება საქმისადმი განსაკუთრებული პასუხისმგებლობა. ყველა ინფრასტრუქტურული პროექტი, რომელიც მიმდინარეობს ქუთაისში, გაგრძელდება და დასრულდება ყველა ქუჩა, ყველა სკვერი და სპორტული მოედანი”- აცხადებს ქუთაისის მერი გიორგი ჭიღვარია.

კორონავირუსის გავრცელების პრევენციული ღონისძიებების გამო, შეიცვალა მთელი რიგი გეგმები და ვადები, თუმცა სამუშაო პროცესები არ შეჩერებულა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *