მსოფლიო
ნიცაში მომხდარი ტერაქტის შედეგად 84 ადამიანი გარდაიცვალა
14 ივლისს, საფრანგეთის სამხრეთით, ნიცაში, შეკრებილი ადგილობრივები და ტურისტები ბასტილიის დღეს ზეიმობდნენ, როდესაც სატვირთო მანქანა ხალხში შევარდა.

ბოლო ცნობებით, დაიღუპა 84 ადამიანი, მათ შორის არიან ბავშვებიც. 18 ადამიანი კრიტიკულადაა დაშავებული, 50-ზე მეტი ბავშვი კი საავადმყოფოშია გადაყვანილი.

ნიცის ტერაქტის შემდეგ საგანგებო მდგომარეობა, რომელიც საფრანგეთში ივლისის ბოლოს იწურებოდა, კიდევ სამი თვით გახანგრძლივდება.

დღეს, 15 ივლისს, ოფიციალური პირების მოწოდების შემდეგ, მოქალაქეები სახლში რჩებიან. დაკეტილია რესტორნები და მაღაზიები.

პოლიციის ცნობით, სატვირთოს მძღოლი, ტუნისში დაბადებული 31 წლის ფრანგი მამაკაცი, რომელიც პოლიციამ მოკლა, კრიმინალური წარსულის მქონე იყო, თუმცა მისი მოტივი უცნობია.

ეგვიპტელმა ტურისტმა BBჩ-სთან ბასტილიის დღის ღამე გაიხსენა: "მძღოლს ვუყურებდი და ვუყვიროდი რომ გაჩერებულიყო, რადგან მისი სატვირთოს ქვეშ უამრავი ადამიანი იყო მოკლული, თუმცა ის არავის აქცევდა ყურადღებას. მოულოდნელად დავინახე, რომ ის იღებდა რაღაცას, მობილურის მსგავსს, წამიერად გავიფიქრე, რომ შენიშნა, რაც მოხდა და საავადმყოფოში რეკავდა, თუმცა მან ამოიღო იარაღი და პოლიციას ცეცხლი გაუხსნა".

ჯერჯერობით, ტერორისტულ დაჯგუფებებს ნიცის ტერაქტზე პასუხისმგებლობა არ აუღიათ.

თვითმხილველების თქმით, მძღოლს მანქანა მიხვეულ-მოხვეულად მიჰყავდა, რათა რაც შეიძლება მეტი ადამიანი მოეკლა.

ოფიციალურმა პირებმა განაცხადეს, რომ სატვირთო რომელიც სანაპიროს გასწვრივ ხალხს დაეჯახა, იარაღითა და ხელყუმბარებით იყო სავსე.

თვითმხილველების ნაწილი ამბობს, რომ მშობლები ბავშვებს შემოსაზღვრული ღობიდან ისროდნენ, რომ გადაერჩინათ როგორც თავდამსხმელისგან, ასევე მოზღვავებული ხალხის მასისგან.

საფრანგეთში საქართველოს ელჩის თქმით, ამ დრომდე ნიცაში დაღუპულებს შორის ქართველები არ ირიცხებიან, თუმცა დაკარგულია ეროვნებით ქართველი, თუმცა არა საქართველოს მოქალაქე 4 ადამიანი, რომლებიც ერთი ოჯახის წევრები არიან.

მსოფლიო ლიდერებმა, მათ შორის ბარაკ ობამამ, ტერესა მეიმ, ანგელა მერკელმა და სხვებმა, საფრანგეთს თანადგომა გამოუცხადეს.


FaceBook Twitter Google
ამავე კატეგორიაში
11 ოქტომბერი გოგონათა საერთაშორისო
10:46 / 11.10.2017

11 ოქტომბერი გოგონათა საერთაშორისო

ისრაელის პრემიერ-მინისტრის ბენიამინ ნეთანიაჰუს განცხადებით,
09:55 / 25.11.2016
ისრაელის პრემიერ-მინისტრის ბენიამინ ნეთანიაჰუს განცხადებით,
აშშ-ის კონგრესის სპიკერმა პოლ რაიანმა პრეზიდენტობის კანდიდატ დონალდ
ტრამპს საპრეზიდენტო არჩევნებში გამარჯვება მიულოცა.
11:24 / 09.11.2016
აშშ-ის კონგრესის სპიკერმა პოლ რაიანმა პრეზიდენტობის კანდიდატ დონალდ ტრამპს საპრეზიდენტო არჩევნებში გამარჯვება მიულოცა.
საქართველოს საგარეო საქმეთა სამინისტრო,
11:17 / 24.08.2016
საქართველოს საგარეო საქმეთა სამინისტრო,
ახალი ამბები
საარჩევნო ბიულეტენებში გრიგოლ ვაშაძე "ნაციონალური მოძრაობის" სახელით შეიყვანეს
17:01 / 19.10.2018
"ძალა ერთობაშიას" ნაცვლად გრიგოლ ვაშაძე პრეზიდენტის
ქუთაისის მერი: თვის ბოლოს თეთრი ხიდი გრანდიოზულად გაიხსნება
12:00 / 19.10.2018
თეთრი ხიდის რეაბილიტაცია თვის ბოლოს დასრულდება.
"თავისუფალი თეატრი" ქუთაისში "კომედიანტებს" უჩვენებს
11:09 / 19.10.2018
მესხიშვილის თეატრს "თავისუფალი თეატრი" ესტუმრება.
"თითოეულ საჯარო მოხელეს ზურაბიშვილის მხარდაჭერთა სიების მოგროვება ევალებათ" - სამსონ გუგავა
12:16 / 18.10.2018
"ლეიბორისტული პარტიის" ქუთაისის ორგანიზაციის ხელმძღვანელი,
59-ე საოლქო საარჩევნო კომისიის წევრებმა ხელი ეთიკის კოდექსს მოაწერეს
15:52 / 17.10.2018
ქუთაისის 59-ე საოლქო საარჩევნო კომისიის წევრებმა ეთიკის კოდექსს მოაწერეს ხელი.
პრეზიდენტობის კანდიდატების მიერ კანდიდატურის მოხსნის ვადა ამოიწურა
10:44 / 17.10.2018
გუშინ საქართველოს პრეზიდენტობის კანდიდატების მიერ კანდიდატურის მოხსნის ვადა დასრულდა.
"თუ მოასწრეს პარლამენტის წაღება  უკან დავაბრუნებინებთ" - გრიგოლ ვაშაძე
17:17 / 16.10.2018
ოპოზიციური გაერთიანება "ძალა ერთობაშიას"
ვალუტა
EUR
EUR
3.1134
TRY
TRY
0.4883
USD
USD
2.7026
ამინდი
თბილისი 9 - 20 °C
img
ქუთაისი 13 - 28 °C
img
ბათუმი 18 - 25 °C
img